秋月居 (Closed)

喺社交平台成日都見到有人話秋月居既芝士鐵板飯好邪惡好好味想黎好耐，不過地點問題，所以今日終於經過開就決定左食。大家去既時候可以行德寶商場外圍，比較容易見到。我行左入商場，所以搵左一陣星期六下午都吾洗等，一入座就決定左食蒲燒鰻魚芝士蛋包鐵板飯($68)，飲品都幾多選擇，我就揀左凍檸茶(唔洗加錢)。因為太餓，所以加左餐前小食，三文魚刺身($16)。都算新鮮，味道吾差個飯都幾大，賣相都幾好，同餐牌張圖一樣蛋同芝士既比例都幾好，吾會太濃太淛，加上茄汁，好正 至於鰻魚，冇骨，冇雪味，配埋鰻魚燒汁，一個字正 本來同行朋友都想要呢個鐵板飯，不過店員話冇材料所以朋友就揀左火炙三文魚飯($55)，我覺得味道還好，不過不失。至於飲品就真係差d，太多冰既關係，檸茶冇茶味冇檸檬味，朋友飲完仲有d肚痛。所以可能熱飲比較安全。總括而言，食物質素味道都好正，係凍飲差小小。