Video
Read full review
2024-10-19
1024 views
餐廳：部屋咖啡室地點：旺角登打士廣場菜式：樓上咖啡室餐牌：pizza，意粉，意大利飯，漢堡包，全日早餐，小食，甜品同野飲等。呢度都有套餐。二人套餐包一個10寸手拉Pizza，意粉或者飯，小食炸蟹餅，同基本餐飲兩杯，可以加錢升級飲品。香辣虎蝦海鮮意粉 香辣虎蝦海鮮意粉好大碟，面頭見到連殼虎蝦一隻、連殼青口兩隻、其他海鮮有魷魚段同蜆肉，蔬菜有洋蔥、青椒、蘑菇、同少少菜苗，灑上香草，材料豐富。茄醬夠多，味道少少辣，唔過火。幼身spaghetti夠al dente，口感唔錯。BBQ烤雞磨菇手拉Pizza 手拉Pizza寫明用意大利OOPizza面粉制同面粉嘅牌子。Pizza一客分六件，超熱上枱。首先餅底雖唔薄亦唔厚，批皮脆口，質感唔錯。配料有唔少雞肉粒，蘑菇片，洋蔥絲同芝士，個汁味道都唔錯，口感較乾身。越式炸蟹餅越式炸蟹餅一客6件，熱辣辣炸起，炸得少少脆皮，入面啲餡都唔錯，配甜酸醬可降溫。楊枝甘露 加$23楊枝甘露大大杯，面頭好多西柚肉，少少苦可中和甜度。飲品本身芒果味又香又滑，最正係加有大量爽口梛果，啖啖爽口，口感一級棒！熱檸水 跟餐熱檸水有三片檸檬，跟有一包砂糖。雪糕伴朱古力香蕉厚多士 $
地點：旺角登打士廣場
菜式：樓上咖啡室
餐牌：pizza，意粉，意大利飯，漢堡包，全日早餐，小食，甜品同野飲等。呢度都有套餐。
二人套餐包一個10寸手拉Pizza，意粉或者飯，小食炸蟹餅，同基本餐飲兩杯，可以加錢升級飲品。
香辣虎蝦海鮮意粉
32 views
0 likes
0 comments
香辣虎蝦海鮮意粉好大碟，面頭見到連殼虎蝦一隻、連殼青口兩隻、其他海鮮有魷魚段同蜆肉，蔬菜有洋蔥、青椒、蘑菇、同少少菜苗，灑上香草，材料豐富。茄醬夠多，味道少少辣，唔過火。幼身spaghetti夠al dente，口感唔錯。
BBQ烤雞磨菇手拉Pizza
手拉Pizza寫明用意大利OOPizza面粉制同面粉嘅牌子。Pizza一客分六件，超熱上枱。首先餅底雖唔薄亦唔厚，批皮脆口，質感唔錯。配料有唔少雞肉粒，蘑菇片，洋蔥絲同芝士，個汁味道都唔錯，口感較乾身。
越式炸蟹餅越式炸蟹餅一客6件，熱辣辣炸起，炸得少少脆皮，入面啲餡都唔錯，配甜酸醬可降溫。
楊枝甘露
$23
41 views
0 likes
0 comments
楊枝甘露 加$23
楊枝甘露大大杯，面頭好多西柚肉，少少苦可中和甜度。飲品本身芒果味又香又滑，最正係加有大量爽口梛果，啖啖爽口，口感一級棒！
熱檸水 跟餐
熱檸水有三片檸檬，跟有一包砂糖。
雪糕伴朱古力香蕉厚多士 $88 另加一
雪糕伴朱古力香蕉厚多士果然係厚多士，多士超厚身，夠鬆軟，上面放左一球雪糕同一排香蕉切片，仲擠左朱古力醬。朱古力醬唔會過多，點麵包食啱啱好，朱古力雪糕凍冰冰，配多士食超正！
今餐食物都唔錯。空間上都夠濶落，仲有公仔陪你食。有得食又有得飲之外，仲有board games俾你玩，包括大富翁同飛行棋等。
Post
