Video
Exit A2, Yau Ma Tei MTR Station
continue reading
Telephone
65344336
Introduction
This upstairs café is comfortable with board games provided. It is recommended for friends gathering or reunion. The menu is diversity, including pizza, pasta, burger and all day breakfast etc. Among them, 10-inch handmade pizza is highly recommended.
continue reading
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
About
About Reward Scheme
Offers
今日朋友帶我嚟到呢間有board game玩嘅樓上Cafe 部屋咖啡室～一出𨋢就見到門口 全部都係梳化 感覺幾舒服～ 坐低睇睇餐牌 揀好就自己寫起一塊板 再比服務員落單🤣 食物種類都幾多 圖文並茂 好多樣嘢都想食 諗咗一陣終於都諗好啦～ 最後揀咗一個二人餐同埋加咗小食😬 八寶美顏花茶第一樣嚟嘅就係呢個養顏花茶 入面有玫瑰、紅棗、枸杞、桂花、同埋茉莉 夠晒養生 好適合女士🤭 仲有用小火熱住 真係好適合冬天飲 飲完暖笠笠😊 手沖冰波奶茶奶茶絲滑唔會好甜 有波波冰坐住 keep住飲都係凍 味道又唔會變淡👍🏻 西西里pizza即叫即整嘅手拉pizza 揀咗呢款用茄醬、辣肉腸、腸肉粒、蘑菇、同埋火箭菜 呢啲材料～ 手拉嘅面底 薄身得黎帶有煙韌口感 即叫即整熱辣辣 芝士仲要拉絲😍 好好味！ 黑松露雜菇意大利飯一上枱嘅時候超香黑松露味 睇到雜菇嘅份量都好多 味道適中 如果再多少少汁同埋個飯再煙靭啲就更加好啦😋 蜜糖雞翼勁好味！雞翼煎得啱啱好 搽咗蜜糖上面 真係好好食！ 炸蟹餅入面好似係蟹柳嘅肉 炸得香脆唔油膩 配埋酸甜醬 不錯～ 呢度有大量board game任你玩😇 整體嚟講 呢間 部屋咖啡室 環境不錯 服務態度不錯 食物質素不錯 重點係有勁多不同種類既board game 好適合一班朋友過嚟玩呀😌
continue reading
樓上Cafe真係好多，呢間位於旺角登打士廣場既部屋咖啡室，環境舒服，仲提供boardgame及免費打印服務，無論嚟聚會或傾生意，都好方便。晚市餐牌提供多款套餐，我哋叫咗個Combo二人套餐，包括一個10吋手拉pizza、一客意粉或飯、一份炸蟹餅、兩杯餐飲，仲可以優惠價轉配其他特飲、梳打、花茶和用$25加配一款特定小食。炸蟹餅：外脆內軟，蟹肉餡料彈牙又鮮甜，做得好出色。炸春卷：即叫即炸，新鮮鬆脆，完成無油膩感。千島夏威夷薄餅：薄餅係用意大利OOPIZZA 麵粉制作，即叫即焗，所以邊位特別鬆脆，配料有火腿和菠蘿，加上千島醬，現場食無得輸。忌廉煙三文魚意粉：個忌廉醬汁煮到好creamy，意粉非常掛汁，而且煮得很煙韌，加埋泮蔥、雜菌和煙三文魚，口感豐富。奇異果椰果梳打：味道清新，飲落去有好多椰果。什果賓治：調配得甜度適中。總結，食物味道好，出餐快，店員態度親切，值得推介。
continue reading
今天約了媽咪來到旺角行街，行到攰攰決定在附近午餐。早前有朋友介紹呢間樓上Cafe, 環境都幾舒適，食物不錯，所以專程來試試，果然有驚喜，食物即叫即做，非常美味，有水準👍🏻👍🏻我們叫了二人套餐 COMBO FOR TWO, 包括：10吋手拉Pizza 、意大利粉/飯、炸蟹餅及餐飲兩杯。🍕🍕Pizza有六款選擇，叫了西西里Pizza, 滿佈辣肉腸、芝士、磨菇、火箭菜，好煙韌，簿身的簿餅好香好脆🍛🍛 黑松露雜菇意大利粉- 好香的黑松露，多款磨菇，creamy剛好🦀🦀炸蟹餅，大大粒有6粒，好彈牙媽咪叫了八寶美顏花茶，有紅棗、玫瑰、枸杞、圓肉，我哋熱泡一會約10分鐘已好有味道。這二人套餐好豐富，份量十足，好美味，朋友真是好推介。
continue reading
一入內, 就見到好多台客玩board games, 充滿歡樂氣氛, 我哋揀咗呢度, 當然梗係都係為咗 have fun . 而環境係好chill, 兩邊大玻璃, 景觀係旺角鬧市, 開揚, 好多自然光, 好relax! 座位係梳化位, 舒適又寬敞. 💟二人套餐1️⃣千島素菜 手拉 Pizza (10吋)本身 toppings 係青椒, 蘑菇, 車厘茄, 因車厘茄暫時缺貨, 改為西蘭花🥦. 哩個 pizza 味道有驚喜, 餅底薄脆, 西蘭花🥦 軟硬度啱啱好, 味道正, 係呢個pizza嘅靈魂！全部食材加埋千島醬, 味道好 balance！2️⃣忌廉煙三文魚意粉煙三文魚 令意粉提鮮, 蘑菇份量好多, 意粉掛滿忌廉汁, 軟硬度剛剛好！3️⃣炸蟹餅熱辣辣, 香噴噴, 新鮮炸出, 入口軟熟, 一路傾一路食, 好滋味, 停唔到口🤣4️⃣焦糖鮮奶咖啡鍾意個焦糖味夠突出, 又夠熱, 拉花令人用餐愉快🥰💟豆腐芝士蛋糕豆腐淡淡地, 芝士味唔會好濃, 兩者好均衡, 好夾, 食落唔會好似食一般芝士蛋糕容易膩😊, 又唔會好甜, 我鐘意就咁食, 品嚐呢個味道. 朋友鍾意點啲士多啤梨醬, 酸酸甜甜😊
continue reading
最近和朋友一起去了旺角一間樓上Cafe。這家Cafe雖然地處鬧市，但一進門就感受到一股寧靜和舒適的氛圍。整個餐廳雖然不算大，但是座位非常寬敞，讓人感到舒適。店內裝潢以簡約風格為主，以白色營造出一種清新的感覺。而且這裡還提供board game，非常適合朋友們聚在一起放鬆。我們點了西西里pizza和辣虎蝦意粉。西西里pizza ：這是手工製作的pizza，配料有茄醬、蘑菇、辣肉腸和火箭菜，餅皮非常鬆軟，味道非常好。每一口都能嚐到新鮮的配料。辣虎蝦意粉 ：這道菜有虎蝦和青口，意粉的口感非常彈牙，味道適中，配料豐富，大虎蝦非常鮮美。我們還點了春卷作為小食，春卷炸得非常鬆脆。另外我們選了水果茶，用壺端上，裡面充滿了各種新鮮水果的味道，既清新又解渴。
continue reading