Video
Read full review
2012-04-12
31 views
買咗山地人嘅團購。雖然離炮台山 MTR 唔遠, 但位處內街, 要留神 d 先至揾得到。我冇去過越南, 唔知乜嘢先至係正宗越南法包, 但係我以前曾經幫襯過幾次中環嘉咸街嘅越式法包店, 佢哋水準有時有 d 起伏, 但總括尼講係好食嘅。至於山地人嘅法包, 不但包好脆而且配料豐富, 有紅蘿蔔絲, 洋葱, 扎肉絲, 蒝茜等等。山地人嘅特點係唔會用好多調味料, (我淨係食得出佢哋有用 margarine), 好處係你可以食得到各種食材嘅天然原味。Like!所以嘉咸街果間法包同山地人係完全兩種風味, 一間味濃, 一間原味, 兩間都係好食嘅, 鍾意邊間多 d 就睇你個人口味喇。我個套餐係 8吋牛肉法包 + 一罐汽水, 山地人汽水嘅選擇就真係好多, 唔止果 d 大路貨色, 例如可樂, 雪碧, 7 Up; 佢哋仲有 C+, 芬達提子, 雪梨茶, 忌廉等等。講到服務, 山地人就真係贏成條街喇! 佢哋果位老板娘嘅良好服務, 可算係無微不至。落單時佢會講埋有乜其他選擇, 會留意 d 客坐得舒唔舒服, 有冇位放手提袋, 枱面有冇餐紙、飲管, 食物係唔係到齊, 真係照顧周到架! 結論 : 山地人 = 好味道 + 好
我冇去過越南, 唔知乜嘢先至係正宗越南法包, 但係我以前曾經幫襯過幾次中環嘉咸街嘅越式法包店, 佢哋水準有時有 d 起伏, 但總括尼講係好食嘅。
至於山地人嘅法包, 不但包好脆而且配料豐富, 有紅蘿蔔絲, 洋葱, 扎肉絲, 蒝茜等等。山地人嘅特點係唔會用好多調味料, (我淨係食得出佢哋有用 margarine), 好處係你可以食得到各種食材嘅天然原味。Like!
所以嘉咸街果間法包同山地人係完全兩種風味, 一間味濃, 一間原味, 兩間都係好食嘅, 鍾意邊間多 d 就睇你個人口味喇。
我個套餐係 8吋牛肉法包 + 一罐汽水, 山地人汽水嘅選擇就真係好多, 唔止果 d 大路貨色, 例如可樂, 雪碧, 7 Up; 佢哋仲有 C+, 芬達提子, 雪梨茶, 忌廉等等。
講到服務, 山地人就真係贏成條街喇! 佢哋果位老板娘嘅良好服務, 可算係無微不至。落單時佢會講埋有乜其他選擇, 會留意 d 客坐得舒唔舒服, 有冇位放手提袋, 枱面有冇餐紙、飲管, 食物係唔係到齊, 真係照顧周到架!
結論 : 山地人 = 好味道 + 好服務
Post