Video
Read full review
2008-06-19
52 views
同三個同事黎食,見到今日個餐牌無一樣特別鍾意,款款都有d喜歡同唔喜歡既地方,例如蝦天婦羅長通粉,我好鍾意長通粉但又唔鍾意蝦天婦羅;又如蕃茄芝士意大利飯,我鍾意蕃茄同芝士但係又唔係咁鍾意食飯;至於個cod fish fillet,本來都想嗌,但係又好似少左d碳水化合物,而且呢個貴少少…最後都係揀左意大利飯,另有同事分別要長通粉同埋魚。餐牌上最後一款係牛肉,咁岩我地無人點。今日湯係甘筍湯,我唔係咁岩,就揀左自助沙律,呢度既自助沙律真係唔錯,淨係三文魚我已經要左好多,咸咸地,但係好夠味,好好食,薯仔沙律又係食到我唔停口,仲有最最喜歡既什菌,有一個唔知什麼釀茄子,上次好似無,今次試左,茄子上既材料好香口,唔油又好食,有少少惹味既感覺,連其他我一向唔愛既凍類都令人覺得唔錯!另外,呢度既法包又係好正,外脆內軟,牛油仲特別香特別滑,仲有必食係芝士條,未食主菜已飽左一半!個意大利飯比想像中差呀!正統意大利飯係硬身,但係呢度整得好腍,一pat pat咁,多汁,飯軟,好唔得,原來我愛既蕃茄只有兩件咁大把,反而撈左好多有肥膏既鴨肉粒,的確令我有點失望,唯一好少少既係個汁幾有芝士味,好香,算係令人感覺好番少少
今日湯係甘筍湯,我唔係咁岩,就揀左自助沙律,呢度既自助沙律真係唔錯,淨係三文魚我已經要左好多,咸咸地,但係好夠味,好好食,薯仔沙律又係食到我唔停口,仲有最最喜歡既什菌,有一個唔知什麼釀茄子,上次好似無,今次試左,茄子上既材料好香口,唔油又好食,有少少惹味既感覺,連其他我一向唔愛既凍類都令人覺得唔錯!
另外,呢度既法包又係好正,外脆內軟,牛油仲特別香特別滑,仲有必食係芝士條,未食主菜已飽左一半!
個意大利飯比想像中差呀!正統意大利飯係硬身,但係呢度整得好腍,一pat pat咁,多汁,飯軟,好唔得,原來我愛既蕃茄只有兩件咁大把,反而撈左好多有肥膏既鴨肉粒,的確令我有點失望,唯一好少少既係個汁幾有芝士味,好香,算係令人感覺好番少少啦!但係俾我知道係咁,一定唔會點呢味!
反而見到同事既長通粉好吸引,因為個天婦羅唔係我想像中咁,可能係意大餐廳,所謂天婦羅,只係小蝦個面略炸,炸皮都唔厚,成隻蝦清晰可見,不過一碟係有四隻唔大既蝦而已,個汁就係綠色,可能加入菠菜,應該幾清幾好味!
個魚又係睇落幾好,夠晒清,仲有配菜,早知我點呢個啦!
講到尾,呢度既意大利飯唔夠水準,唔合格!
Post