嘉彩酒樓 (Closed)

黎呢度加工食海鮮已有好幾十次，每次都另人失望。是晚係某親戚嘅生日，一家人又黎呢度聚一聚，食番餐海鮮先。自己買左二三千蚊海鮮黎加工，再另外加左燒鵝同炒碟靚菜。海鮮加工價錢合理，但自家燒豬斬一斬要一百蚊，蛋糕又要一百，呢兩樣好似有少少貴。第一樣黎嘅係白勺蝦，但太快手影唔切相，沒試，親戚話蝦鮮甜，勺得剛好熟一啲都無老到，好食。粉絲煮蜆，黨主話呢隻係韓國黎嘅蜆，叫波波？！而加真係咩都係韓風，連食海鮮都係。食落真係幾鮮甜，連湯都飲哂。炒聖子，好入味，分量都比足返架。椒鹽九肚魚，整出黎原來咁大盤，熱辣辣好正，椒鹽味重得黎又唔過鹹，亦唔油膩。炒黄蟮，賣相雖然麻麻，但真係好好味，蟮肥美又甘香，正呀！炒蟹，同樣無試，費事敏感，親戚話好味。蒸魚，薑蔥梗唔少得，嫩滑鮮甜。蒸龍蝦仔，唔知係咪太多，呢樣追單追左三次都唔黎，食飽哂先到，同樣甲殼類嘅睇都係唔試了。必叫燒鵝，皮脆肉嫩，唔多肥膏，好好味。仲叫左金銀蛋炒莧菜，果皮蒸鮑魚仔，又係影唔切相已被ko。整體食物係好嘅，但環境真係好嘈。侍應唔夠，叫極都無人黎，想落罐汽水，叫碗白飯，差唔多要嘈交咁，假日真係唔多盞。