專業咖喱皇 (Closed)

同honey鬧完交之後，行行下就路徑此店，睇見門口有位"白髮婆婆"派傳單及狂sale有d乜野食，好似唔入去唔得果隻，見佢舖頭名叫"專業咖哩皇"，而honey又對咖哩特別有興趣，咪我咪話不如試下。我地到達約8點半，對比附近既舖頭哩間都算多人，我地點左一個叫俄羅斯套餐$52 (有餐湯，可以選任何一款燴飯)，我地選左"海鮮燴飯"，但佢同我地講要$58囉，另點左一個乾咖哩羊扒跟烤餅$68，不過果女侍應話要$78，佢話其實已經加曬價喎......另再加多一碟清炒椰菜(全店只得1款菜)，honey話乾咖哩羊扒味道都ok，而我唔食得辣既都入到口，唔算辣，這裡清水任飲，在檯上，好方便。