Video
Read full review
2006-01-11
0 views
約左朋友晚飯, 咁岩果日有d值得高興既事, 就想搵間坐得舒服既餐廳. 朋友話想食西餐, 原本想試果間full左, 我就根據食友既建議揀左呢間喇.去到發覺比我平時經過見到既時候多人, 大家果輪既holiday mood果然高漲. 一坐低, 侍應已告之當晚只供應set dinner ($238) 同chef’s recommendations (都未到假期喎, 乜都無?), 隨即推左塊大黑板過黎介紹後者. 呢個做法都唔錯, 不過侍應就有少少似唸急口令咁.見set dinner都岩食, 就每人一個, 另外我再order兩款生蠔. 當晚既愛爾蘭Gigas非常新鮮, 爽脆有海水味, 如果唔係怕食唔晒其他野, 我一定encore. 反而貴價既Belon就唔得, 唔多新鮮咁, 有明顯腥味.麵包有法包同香草包兩款, 雖然熱熱地, 但質地唔多鬆軟. 不過點橄欖油同黑醋食, 非常開胃, 友人食到停唔到口.前菜係燒帶子沙律, 帶子幾鮮美, 沙律菜就一般啦. 餐湯唔記得係忌廉咩湯, 都ok. 朋友既主菜揀左seabass, 佢話只係普通; 我就要左羊架, 肉質嫩滑, 但係無乜肉味. 我地兩碟既配菜一模一樣,
去到發覺比我平時經過見到既時候多人, 大家果輪既holiday mood果然高漲. 一坐低, 侍應已告之當晚只供應set dinner ($238) 同chef’s recommendations (都未到假期喎, 乜都無?), 隨即推左塊大黑板過黎介紹後者. 呢個做法都唔錯, 不過侍應就有少少似唸急口令咁.
見set dinner都岩食, 就每人一個, 另外我再order兩款生蠔. 當晚既愛爾蘭Gigas非常新鮮, 爽脆有海水味, 如果唔係怕食唔晒其他野, 我一定encore. 反而貴價既Belon就唔得, 唔多新鮮咁, 有明顯腥味.
麵包有法包同香草包兩款, 雖然熱熱地, 但質地唔多鬆軟. 不過點橄欖油同黑醋食, 非常開胃, 友人食到停唔到口.
前菜係燒帶子沙律, 帶子幾鮮美, 沙律菜就一般啦. 餐湯唔記得係忌廉咩湯, 都ok. 朋友既主菜揀左seabass, 佢話只係普通; 我就要左羊架, 肉質嫩滑, 但係無乜肉味. 我地兩碟既配菜一模一樣, 廚師響呢方面稍欠心思.
甜品係tiramisu, 無乜特別亦唔難食咁.
呢度無開水供應, 要order mineral water但價錢相宜, 連埋3杯wine, 埋單約$800. 我覺得各方面都算唔錯, 但又無乜邊辦好"dark black", 朋友就好鍾意個環境. 以果區黎講咁既消費, 都屬於可以翻兜既~~
Post
