滴水坊

Open Now

Now Closed

近年食素已經變得普及&年輕化，係響應環保或健康身體都好，有時候清心寡慾都唔錯！聽講九龍灣有一間素食店係由台灣佛光山寺院開，既然台灣佛教咁流行，相信佢地嘅味道都應該會唔錯。 入到去嘅感覺同其他素食店好唔同，唔會好佛教，好causal嘅感覺。 一張點菜紙寫哂所有食物，好窩心係套餐果欄，飯有多或少俾你選擇，聽店員講，係寺院方面希望人人可以食得溫飽，所以你想要多d飯都會照俾你，而選擇少飯係店方唔想大家浪費食物。 套餐：咖哩素魚扒飯+炸鹹酥雞+湯$53 咖哩素魚扒飯，咖哩味好香，唔係印度咖哩果種，似馬來西亞果種味，唔辣，味道好中道，而塊素魚味道同質感都好特別，佢有7成魚嘅口感，當然無魚嘅味道，但作為一塊假魚，佢已經好合格。裡面嘅薯仔炆得夠稔，整體上係好味。 炸鹹酥，炸得好香口，味道亦好吸引，雖然係d麵筋類素製品，但調味後好吸引。 湯，係粟米紅蘿蔔豆湯，煲得好老火，好香濃。無左肉味嘅香濃老火湯反而保留到食物嘅原汁原味，比有肉嘅還來得自然舒坦。 最鐘意係食唔到佢地有味精，全個套餐嘅味道好家的感覺，從店員嘅熱情款待到食物質素，完全無商業味道。