Home Kitchen

Open Now

Now Closed

喺何文田嗰邊睇完啲寵物野，又熱又攰天氣又差，搵間舒服啲嘅西餐廳坐下飲杯嘢涼下冷氣。其實個地點更加鄰近旺角東同埋旺角站，行幾分鐘就到，一啲都唔遠。餐牌選擇都有好多，下午茶都好抵食，不過唔係太肚餓所以就志在飲杯野坐下嘆下就算。見到佢咖啡來都有好多選擇，最後就揀咗一杯熱嘅玫瑰拿鐵☕賣相好靚，上面有個心心，仲有啲乾嘅玫瑰花瓣襯托，令人心情舒暢。咖啡同埋奶味嘅配搭好適中，所以飲落味道香濃之餘亦都有奶嘅甜香，而且不失咖啡嘅香濃味道，整體不會太甜，口感香滑味道剛好。最啱行街行到攰入嚟抖下！裏面裝修設計簡約有特色，也有不少食物選擇，午餐、下午茶或者晚餐都有唔同選擇可以參考一下。