亞古鍋 (Closed)

銅鑼灣一向多美食，朋友介紹去到一間要先喺電梯大堂上去，上到去佔全層嘅亞古銅火鍋店。餐廳空間環境好大，大多數座位以二人枱、四人枱同埋圓枱設計，而且以黑色為主，我哋上到去都已經有好多客人了。招牌亞古銅湯呈現奶白色，相信入面嘅配料相當豐富，見到有花膠、螺頭，而且食落去非常林，而且螺頭質感爽口。飲一啖湯底，簡直好似飲緊滋補養顏花膠燉湯咁。火鍋配料亦非常豐富，首先來一個手切安格斯牛肉，好大盆，份量足夠我哋四個人食。安格斯牛肉條紋非常平均，而且呈現雪花紋，半肥瘦的，食落去有好濃郁嘅牛肉味道。當中點少得叫我最鍾意嘅豚肉韭菜餃，食落去皮薄餡靚，非常大隻，咬落去仲有好多韭菜肉碎，非常足料。黑松露鮮蝦水餃嘅蝦肉非常爽口彈牙。涮羊片好大塊，食落去一啲都唔騷。鵝肝墨魚丸同埋四合丸賣相非常吸引，每一份有大約六粒。尤其墨魚丸，食落去中間有鵝肝之外，口感非常彈牙，味道非常新鮮。另外仲叫咗滷水牛筋、貢丸、牛頸脊白鱔片、鮮蝦雲吞、鮮腐竹同埋牛骨髓等。頸渴嘅時候，仲有多款日本清酒、啤酒系列嘅飲品任君選擇，至於我當然要飲番杯新鮮嘅橙汁啦。食完之後，由於出面嘅風景實在太美麗了，可以飽覽到成個港島區嘅夜景，所以我哋各自都攞咗杯