漁川米線 (荃灣街市街) (Closed)

箍牙妹呢日有事要去仁濟醫院，因為唔熟架步，連響醫院入面都蕩失路，唯有沿住醫院外圍搵食。因為箍牙妹前兩日又整完啲牙，冇力食嘢，好彩行咗唔係好耐就見到間食米線嘅餐廳，除咗指定米線款式外，佢仲可以自選配菜好啱揀飲擇食嘅箍牙妹，佢嘅配菜都好多選擇，真係估唔到會有豆腐，當然要即叫啦！同埋叫左白魚蛋，諗住好穩陣，不過呢間啲魚蛋超級有彈性，對我嚟講就有啲難度，同埋啲魚蛋有種奇怪嘅味道，有少少似膠味，另外我覺得個魚湯味道不足，唔夠鮮，無魚味！