漁川米線 (荃灣街市街) (Closed)

好少餐廳可以食到銀針粉，真係好特別！佢個魚湯就食唔出有味精，應該真係魚湯黎，個銀針粉有冬菇、豆卜、蔥花、魚湯，味道夠清淡，但我配既係盧荀無骨雞翼，好創新，不過雞翼食到滿口油，所以差減d，下午茶$45，價錢合理。唯一不滿係環境，d間板好hea，老細口罩帶好d，好彩唔係佢負責煮！

是日lunch ~打開menu~ 真係唔係講少^ _ ^點解咁多選擇～真係太多 太多了起碼睇左10分鐘先選到食乜最後就選左 原條黃花魚+鮮蜆自問好少食泡飯～所以by method of elimination 自然被選擇了米線對米線都無乜期望 所以都無失望（因為真係好過譚仔米線少少咁）因為呢間野係食魚 所以個蜆都無期望有幾鮮但食一啖個蜆又真係幾新鮮（間中一兩隻有兩粒沙咁～考慮個價算係咁）最後個黃花魚原條都唔算細，肉質鮮嫩～

早前，我為了走到荃灣悅來坊物色生日禮物送給朋友，經過荃灣街市街，才得知有間米線舖 <漁川米線>！ 自此之後，間中都會走來幫襯，就算限聚令期間，小店卻不受影響，依然多食客！見到門外有餐牌，好奇拿來看看，小店除了供應米線之外，還有坊間買少見少的銀針粉！ 主打魚湯底！可配搭米線、銀針粉或湯飯！咖哩飯、煎炸小食、飲品...一應俱全！食物多元化！早餐及下午茶 $20~$38一於找個週末中午來幫襯吧！店內裝潢簡約，牆上貼上美食相片；以圓枱及長方的4 人；木椅子表面畫上海洋生物圖案，顥得有生氣！湯底是湯麵的靈魂，缺一不可！銀針粉配上中式食材抑或配上西式配料亦夾得來！配搭出多滋多彩的口味來！黑松露水餃南瓜木瓜銀針粉 $38 下午茶一客有3粒黑松露水餃，正價有4粒；每粒都大粒又飽滿， 黑松露水餃滿載豬肉、木耳、甘筍絲、蝦，口感又軟又爽口！呈奶白色的魚湯底好鮮味又不會腥！ 銀針粉口感軟硬適中富彈性！以下午茶來說，份量絕對交足貨！加埋南瓜及木瓜，清新又健康！忌廉芝士蘑菇釀雞翼銀針粉 $38 銀針粉以最基本的魚湯底及薑、蔥、椰菜...等配料，有助僻腥！奶白色的魚湯底鮮甜味美而不油膩！令人一試回

同一日去曬兩間漁川米線度食午餐、 真正比較一下15年老店及一年分店嘅分別兩間都是在仁濟醫院附近兩間分店餐牌上的食物冇分別有好多新鮮魚可以揀包括黃花魚三文魚紅衫魚馬友魚等等蒸魚腐米粉 38hkd送豆泡香菇做配菜魚腐炸得okay湯底方面顏色比較白魚味比較香濃鮮味比較少蕃茄蘑菇魚湯米線 42hkd冇送飲品並非下午茶但係米線比較大份 湯底蕃茄味足夠番茄非常新鮮下午茶時段送熱奶茶裝修雖然比較新但味道okay 未能追上新店新開嘅分店喺街市街味道則比較遜色 啖口味但下次會再嚟試下新鮮魚米線。。。支持小店營業。希望有驚喜

一直腸胃都唔好，就諗住食碗米線清清地，好自然就會諗起食咗碗魚湯米線，因為魚有營養，又咁啱得咁橋行過見到呢間 漁川米線餐廳，咁入去。成間舖頭的侍應生都講唔正廣東話，其實我根本唔係好聽得明佢講乜嘢。真係好難明白。基本上係，我唔明白佢時，佢又唔明白我。感覺上我係成間舖唯一一個香港人。好冇親切感。魚蛋拼魚腐-魚湯米線，魚湯嘅味道 覺得好重有魚腥味，相反魚蛋就冇乜魚味，咬落口覺得鬆泡泡冇乜口感，魚腐味道好一般。我覺得唔好味。下次我唔會再幫襯。no next time.

箍牙妹呢日有事要去仁濟醫院，因為唔熟架步，連響醫院入面都蕩失路，唯有沿住醫院外圍搵食。因為箍牙妹前兩日又整完啲牙，冇力食嘢，好彩行咗唔係好耐就見到間食米線嘅餐廳，除咗指定米線款式外，佢仲可以自選配菜好啱揀飲擇食嘅箍牙妹，佢嘅配菜都好多選擇，真係估唔到會有豆腐，當然要即叫啦！同埋叫左白魚蛋，諗住好穩陣，不過呢間啲魚蛋超級有彈性，對我嚟講就有啲難度，同埋啲魚蛋有種奇怪嘅味道，有少少似膠味，另外我覺得個魚湯味道不足，唔夠鮮，無魚味！

行街經過見到覺得幾得意，所以入左去試。佢係一間專用魚便主題既餐廳。佢既湯底食用魚淆製。佢最好既係可以自己自由配搭，例如湯底，可以揀蕃茄湯、魚湯。可以自己揀送例如：魚腐、魚餅，春卷、牛肉、豬肉、魚腩等等。如果揀唔到，佢有一套已經配好既米線，咁就可以唔洗煩，例如蕃茄魚腩米線，招牌米線...同埋最特別係佢有煎魚米線，係成條魚上！鍾意食魚可以試下。我就試左招牌米線，佢有鯇魚腩、魚腐同魚餅。魚都幾新鮮，魚腐都唔錯！

很夜才食晚餐，又唔想食太heavy ，所以就去左食漁川米線！ 我叫左個$26魚腐米線，因為湯底係鮮魚湯底！ 再加埋魚腐，成碗米線，都幾鮮，不錯！ 份量不多，也不算少！ 宵夜份量剛剛好！ 朋友叫左咖哩牛筋腩飯$42蚊，我試左小小！ 佢既咖哩汁幾好味，不算太濃，覺得好岩香港人口味！

今日同爹哋媽咪去悅來坊行街，跟住就走咗去附近食嘢！雖然我唔係話好鍾意食魚，但係成日都想食下專門食魚湯米線嘅店！咁啱五點有下午茶我哋三個都嗌咗水煮鯇魚片酸辣米線，$33勁抵食有埋嘢飲，飲凍飲就要另外+3我哋仲帶咗兩款小食，因為佢跟餐就$22再加多一款就$10加埋都係$32就兩個啦！我哋叫咗手打墨魚餅同埋炸鯪魚球即炸熱辣辣，墨魚餅好彈牙鯪魚球好大粒～水煮鯇魚片米線叫左咗小辣睇落湯嘅顏色都唔算係深色，好彩真係唔太辣，唔係我就食唔到米線煮得比較硬，可惜唔索左d湯味比較淡，鯇魚片肉好新鮮軟滑，魚肉分量多整體普普通通～都係小食比較好食

本身想去千色薈pokka cafe用餐，但因太多人等候而放棄，唯有行去附近醫肚。 漁川在荃灣都頗出名，評價不外乎真材實料，價廉物美，沒有味精之類。既然一場來到，當然要會一會啦！ 店面新淨，店內整潔，格局新食堂感覺，有幾張圓枱，隨非七八個人佔據整張枱，否則就要搭枱，座位比較狭窄，坐得不太舒服。 點了一碗招牌米線，入面有兩件魚腩，兩塊煎魚餅及兩件魚腐。魚腩係鯇魚腩，大件，新鮮，沒有甚麼大骨。但鯇魚係塘魚，基本上沒有甚麼鮮味。魚餅用鯪魚肉打成，煎香，頗香口，味道亦不錯，整碗米線最好吃便是這個。魚腐只是普通貨色，不過不失而已。魚湯没有很濃的魚腥味，但同樣亦没有很濃的魚鮮味，味道較淡亦不够咸，構不成絕頂的吸引力。不知道是否該店主打魚湯，加辣或番茄，要加6蚊，頗為昂貴。招牌米線跟一杯熱飲，但要飲熱豆漿，又要另加錢。本身巳經56蚊，左加右加，其實真係索價不菲。最後點了熱朱古力，頗淡，只是大路貨色。總括來說，食物普通，價格頗高，性價比不高，未必會再回來。

荃灣米線選擇多, 今次來吃呢一家。漁川, 係荃灣都有两間分店, 如果味道唔得既估計都開唔成两間。原條大眼雞魚湯銀針粉。魚湯鮮美, 重點係狂飲湯之後都唔會有味精的感覺, 抵讚。然後就係在成街都係米線的時候, 少見地可以換成銀針粉來吸引不同喜好的客人, 而對於吃慣炒銀針粉的人來講, 湯銀針粉亦同時打開咗一條新道路。酸辣肥牛雲吞米線。酸辣雖然醒胃, 但個人覺得魚湯還是原味最鮮甜最好。腐乳通菜, 不敗的配搭。如此一餐下來有菜有肉有飲品, 埋單每位都係60幾, 都算係抵食。

想試呢間花膠米線好耐，之前食過一次其他米線覺得cp 值幾高！所以抱有期待進來！花膠米線盛惠$45，寫單阿姐可能知道除左花膠，冇其他餸，就問我加唔加餸，有蕃茄同南瓜，我揀左南瓜。加左$6 ！total $51湯底係魚湯，幾好飲！「花膠」好多，其實咁平我唔會要求d 咩⋯⋯之但係又大舊又「un], 食頭幾舊都接受到，食多幾舊就。。咬到牙都痛，好難咬lan~~ 食到最後一舊，頂唔順放棄左！南瓜一樣好似煮唔熟咁！呢款米線超伏！

今早去左頂早更，身水身汗未食早餐！好肚餓呀！路經街市街間漁川米線，見到牆上廣告有飯食，正合我意！叫左碟太陽蛋鷄扒飯，上到來，好正！見到都流口水！嗯！漁川做魚湯米線，原來都有甘正的飯，價錢相宜！還有馳名咖喱糸列:咖哩吉列魚柳，咖哩牛腩……

之前路過仁濟醫院一帶，發覺「漁川米線」在這裡新開張的大紅花牌，還以為附近的沙咀道分店結業搬遷。原來，「漁川」在這裡開新分店。終於搵了一晚，撇開了男友，心思思地來喝魚湯。對比沙咀道分店，這間的店面較狹窄而深，桌子的數量較少。圓桌分佈在前方，長桌分佈在後方。餐牌仍然羅列了很多不同種類的泡飯或米線，或少量其他飯款。小妹較喜歡吃泡飯，但最近花費過多以致身無分文，這次不能選鮮魚類作餸菜了。不過記憶中，小妹返鄉下吃過家鄉的「鹹酸菜煀鯉魚煲」，主要以大量酸菜﹑芫荽來將鯉魚煀煮，以大煲魚湯火鍋的形式上菜，重點是酸菜魚湯的味道獨特。所以，這次慳妹選擇了「酸辣雲耳勝瓜魚湯泡飯」，重點也是一嚐酸菜魚湯的美味。有別於普通魚湯的奶白，酸辣魚湯底是呈泥黃色的，端上來已經聞到酸菜的獨特氣味了。所點選的餸菜滿滿地舖在大碗上。雲耳和勝瓜，黑色加上翠綠色和黃色，看碗面已經是顏色鮮艷了，這次選素菜令整道泡飯更健康。餸菜完全蓋著米飯，這是泡飯的常識吧！米飯是粒粒分明，沒有結成一團的，做了泡飯這麼多年，是標準的水準呢！再尋底…原來有蒜子！驚喜！因為剛才我提過咱們家鄉的酸菜鯉魚火鍋，也會放入蒜子的。在酸菜魚湯裡的蒜子被煮熟透，軟

金牌魚湯米線，今次我好喜歡成碗內容好豐富，湯底好重魚鮮，就算唔多食魚既，都入口讚一下，冇魚鯹味道，只覺得湯幾鮮甜，食完起碼冇勁囗喝，原材料整既應該係咁。米線不會太林，好滑口，我喜歡少少煙靭，有返d口感。餸好多，有魚腩，魚腐，魚餅，嘩，一碗可以食到幾款魚類食品，今次選擇不錯腐乳通菜好耐冇食過，通菜鮮嫩無渣，腐乳咸咸地，突出通菜既鮮味鮮蝦雲吞細細舊，蝦肉又爽又彈口，脆脆的雲吞，皮薄脆，蝦肉算豐富，好鮮味熱檸茶好香茶香，檸檬酸味剛好