Video
Read full review
2020-02-22
499 views
呢日去銅鑼灣Fashion Walk食街覓食，行嚟行去都係想食返Coedo Taproom，一嚟唔太肚餓，二嚟可以食日式串燒🍢。之前我已經食過，仲對佢嘅Beer Platter念念不忘。門口嘅男店員全程都好Nice，一開始就問我哋想坐入面定室外。由於都凍凍哋，所以我哋坐入面好了😆。餐廳主要採用高枱高櫈，而高枱面積都比較細，始終客人入嚟飲酒多嘛，都ok嘅。作為Taproom，就當然唔少得Craft Beer🍻，黑板上面列出咗多款啤酒。每日3點-7點Happy Hour期間可以免費升級！啤酒有四個Size可以揀～。由於朋友食緊藥，所以唔飲得酒，我只好自己嗌一杯嚟飲好了，Chocolate Dunkelweizen($76/340ml)，我唔知乜嚟、未飲過㗎，但見有朱古力🍫好似幾得意咁，就試下啦。飲落同聞落都有微微嘅朱古力味，但就唔會太濃，因為佢係一杯啤酒🍺😂。由於今次嚟食晚飯，所以我哋只係叫咗兩串串燒；另外嗌咗啲主食🍱。🐷豬腩肉蘆筍卷($48)，有四嚿，豬腩肉好鬼好食，有少少肥肥，所以好脆好Juicy，正🤤。🐔免治雞肉軟骨棒配羅勒醬($38)，呢串都非常唔錯，配埋上面個醬一流，勁惹味。🐮C
門口嘅男店員全程都好Nice，一開始就問我哋想坐入面定室外。由於都凍凍哋，所以我哋坐入面好了😆。餐廳主要採用高枱高櫈，而高枱面積都比較細，始終客人入嚟飲酒多嘛，都ok嘅。
作為Taproom，就當然唔少得Craft Beer🍻，黑板上面列出咗多款啤酒。每日3點-7點Happy Hour期間可以免費升級！啤酒有四個Size可以揀～。
由於朋友食緊藥，所以唔飲得酒，我只好自己嗌一杯嚟飲好了，Chocolate Dunkelweizen($76/340ml)，我唔知乜嚟、未飲過㗎，但見有朱古力🍫好似幾得意咁，就試下啦。飲落同聞落都有微微嘅朱古力味，但就唔會太濃，因為佢係一杯啤酒🍺😂。
由於今次嚟食晚飯，所以我哋只係叫咗兩串串燒；另外嗌咗啲主食🍱。
豬腩肉蘆筍卷
$48
2 views
0 likes
0 comments
🐷豬腩肉蘆筍卷($48)，有四嚿，豬腩肉好鬼好食，有少少肥肥，所以好脆好Juicy，正🤤。
免治雞肉軟骨棒配羅勒醬
$38
5 views
0 likes
0 comments
🐔免治雞肉軟骨棒配羅勒醬($38)，呢串都非常唔錯，配埋上面個醬一流，勁惹味。
Coedo紅赤啤酒燘牛脷
$108
7 views
0 likes
0 comments
🐮Coedo紅赤啤酒燘牛脷($108)，呢個係必點推介，真係無得輸。首先牛脷👅係超厚切，食落勁有口感，一啲都唔韌，仲好淋添。紅赤啤酒汁濃而不膩，薯蓉點呢個汁食勁滋味啊！其實送白飯，都好啱呢。你睇下塊牛脷幾厚，我估有成幾cm，哈哈🤣。
柚子風味雞湯拉麵
$85
5 views
0 likes
0 comments
🍜柚子風味雞湯拉麵($85)，我嗌呢碗麵嘅時候，朋友一臉懷疑嘅樣子，話幻想唔到個味...。嚟到發現個碗超大，而麵量就正常啦，有兩塊雞，個湯唔錯，淡淡嘅柚子味🍋幾融入雞湯，唔會喧賓奪主。
🍚鰻魚梳乎厘飯($108)，我本身就一般鰻魚嘅，但見梳乎厘飯咁過癮，就嗌嚟試下。飯以砵仔盛住，可能係原個拎去焗嘅關係，所以個砵仔都係熱㗎。
飯個外型真係好似甜品梳乎厘咁鬆起，店員叫我哋中間挖個窿，再將個汁倒落去撈勻🥣。佢提我哋個汁唔使落哂，唔夠味先再加。
撈勻後食，真係食得出蛋香🥚，而且個鰻魚汁幾好食，唔會太重口味。鰻魚量亦都唔少，整體來説個飯都幾好。
總括嚟講，今次嘅體驗比起上次更正，畢竟上次到訪都已經係幾年前🙈，無乜印象。呢晚每一樣嗌嘅食物都好好味，特別係厚切牛脷，最抵讚係每一道菜都係熱辣辣送上，呢樣真係好重要，加分！我哋走嘅時候，室外座位係坐滿哂人㗎👏。
Post
