Video
Read full review
2012-12-04
22 views
8月26日, 早前買咗一個$69嘅團購下午茶, 今日無無聊出到嚟銅鑼灣, 等到下午茶時間可以用~ 之前呢度係開咗好耐嘅清亭, 我地都係常客, 唔知佢地轉咗手有咩改變. 我地上到去, 全新裝修, 成個酒吧格局, 原來佢地走夜場路線, 加食越南菜, 夜晚仲有波睇, 好似好多元化~ 之但係喺呢d地方食越南野, 總係有少少格格不入…::: 牛油雞翼 :::以前清亭嘅牛油雞翼真係出晒名, 亦都係我地嘅至愛, 所以個團購餐咁多小食揀我地都要咗雞翼~ 味道唔錯, 個炸皮雖然油油地不過好脆好香牛油味, 雞翼肉地嫩滑, 熱辣辣好香口惹味, 加埋青檸汁味道更加清新~ 最意想不到嘅係個樣可以同以前差唔多, 相信而家個廚師同之前嗰個有關係, 先可以做到咁似~::: 生牛肉湯河 + 青檸梳打 :::生牛肉雖然係生, 但係都唔太食得出牛肉嘅鮮味, 再浸下滾熟一下就韌咗.. 湯底就幾普通, 食開越南粉都知湯底係精髓, 只不過呢個除咗淡, 亦都冇乜牛味… 平時食呢d都會有一碟仔青檸、辣椒, 竟然我最想要嘅時候佢地唔俾, 唯有追佢地俾番… 加咗呢d先有番少少味… 整體呢個生牛河係失敗嘅…青檸梳打正常, 梳打本身有少少酸
::: 牛油雞翼 :::
以前清亭嘅牛油雞翼真係出晒名, 亦都係我地嘅至愛, 所以個團購餐咁多小食揀我地都要咗雞翼~ 味道唔錯, 個炸皮雖然油油地不過好脆好香牛油味, 雞翼肉地嫩滑, 熱辣辣好香口惹味, 加埋青檸汁味道更加清新~ 最意想不到嘅係個樣可以同以前差唔多, 相信而家個廚師同之前嗰個有關係, 先可以做到咁似~
::: 生牛肉湯河 + 青檸梳打 :::
生牛肉雖然係生, 但係都唔太食得出牛肉嘅鮮味, 再浸下滾熟一下就韌咗.. 湯底就幾普通, 食開越南粉都知湯底係精髓, 只不過呢個除咗淡, 亦都冇乜牛味… 平時食呢d都會有一碟仔青檸、辣椒, 竟然我最想要嘅時候佢地唔俾, 唯有追佢地俾番… 加咗呢d先有番少少味… 整體呢個生牛河係失敗嘅…
青檸梳打正常, 梳打本身有少少酸味似七喜, 青檸味唔多.
::: 香茅豬扒撈檬 + 龍眼冰 :::
香茅豬扒撈檬料散修修咁, 有d青瓜絲蘿蔔絲蔥粒同花生碎咁… 香茅豬扒經已切件, 外表焦焦地好似唔錯, 但食落香茅味唔算濃, 咬落有少少乾, 雖然未算韌, 但都只係一般… 檬粉都ok, 夠散唔會一舊舊~ 不過整體只算係普通.
呢杯龍眼冰真係嚇人! 本身以為係好普普通通嘅清甜滋潤龍眼水… 點知原來都擺脫唔到呢度個酒吧格局! 杯龍眼冰係用有氣梳打水沖嘅, 內有幾粒龍眼肉但完全無龍眼味… 個重點係佢仲加咗d紅色嘅士多啤梨糖醬落去!! 成杯野搞到不倫不類, 非常難飲!!!
其實環境喺裝修咗之後係好多好多, d位寬闊咗, 又有卡位, 加上暗暗嘅燈光, 係幾好格調~ 如果食西餐可能會襯d, 越南菜就好似over咗. 一路食頭上嘅燈一時光一時暗咁, 好礙眼… 同埋服務員都好生手, 漏俾青檸辣椒唔再講, 叫佢地俾兩隻碗仔, 但係d碗未乾晒啜住咗分唔開都照俾我地… 如果呢度夜晚睇波叫下d越南小食應該ok, 不過日光日白喺度食飯就麻麻.
Post