Channel 3 Tapas Bar & Restaurant

Open Now

Now Closed

朋友想搵個地方飲下野，對我來講，都係食物最重要。佢地一路飲，我就一路食，估唔到一個小小的酒吧台廚房仔的食物都唔錯喎，仲好大份tim。 香煎帶子豚肉配粟米蓉（$48/1件）：呢個好食，豚肉帶少少肥增加個油香，帶子煎得香脆，醮上甜甜的粟米蓉，增加左個味道層次。德國蜜糖燒豬手（$238）：好大一隻燒豬手，外皮酥脆，切開熱辣辣，好香口，欣賞個薯角好好食，除左脆口，好有薯香。西班牙海鮮炒飯（$188），海鮮唔少，青口新鮮，大蝦實淨，炒飯仲有些墨魚仔、特別欣賞有蒜片，同炒飯一齊食好香口。脆片（$45）：入座就會有呢碟前菜，俾你配酒飲，脆片唔特別，不過點左佢個醬都幾好食。