Video
Read full review
2008-09-05
10 views
雖然已經一早預訂酒席,但係上菜仍然好慢,話左可以起菜之後,竟然等左半個鐘都未有野黎,仲要三催四請,一黎又黎兩道菜,跟住又停,好多次都要等好耐至到下一道菜,唔係幾好…雖然個小姐既服務態度其實係好好既…食物方面,大部分都係普通兼大路,不過有幾項值得提一提。第一係芝士焗龍蝦,雖然味道唔錯,碟底既伊麵又好味,但係芝士味太輕,可以話唔係好食得出,如果多番d會好一點;其次係蒸魚.整得唔算好,食到有腥味;比較求其而差既係個什麼海龍卷,話就話個餡係海鮮,但係都食唔出有咩海鮮,魚肉都唔多件咁,個炸皮仲衰,又唔係春卷皮又唔係米紙卷,而係介乎兩者之間,口感好怪!好既都有,就係最後既傳統飯麵,改左係炒飯同水餃,個水餃幾好味,有豬肉又有蝦肉,唔算好大隻,一人可分得兩隻,岩岩好,仲每碗有一條小棠菜加半個蕃茄仔,賣相都幾靚架!另外,壽包都唔錯,大大隻,蓮蓉餡夠滑,我喜歡佢無蛋黃,唔會太油又唔會太唔健康,即整即食,又熱又好味!拉勻黎計,叫做OK!
食物方面,大部分都係普通兼大路,不過有幾項值得提一提。
第一係芝士焗龍蝦,雖然味道唔錯,碟底既伊麵又好味,但係芝士味太輕,可以話唔係好食得出,如果多番d會好一點;其次係蒸魚.整得唔算好,食到有腥味;比較求其而差既係個什麼海龍卷,話就話個餡係海鮮,但係都食唔出有咩海鮮,魚肉都唔多件咁,個炸皮仲衰,又唔係春卷皮又唔係米紙卷,而係介乎兩者之間,口感好怪!
好既都有,就係最後既傳統飯麵,改左係炒飯同水餃,個水餃幾好味,有豬肉又有蝦肉,唔算好大隻,一人可分得兩隻,岩岩好,仲每碗有一條小棠菜加半個蕃茄仔,賣相都幾靚架!另外,壽包都唔錯,大大隻,蓮蓉餡夠滑,我喜歡佢無蛋黃,唔會太油又唔會太唔健康,即整即食,又熱又好味!
拉勻黎計,叫做OK!
Post