千上日本料理 (Closed)

尖沙咀的餐廳總是滿場，星期五六日會更加繁忙。唔想等位嘅話，可以考慮下去酒店嘅餐廳，環境不會迫夾。粵海酒店乘電梯上一層，就會見到裝修雅緻嘅千上，果然唔洗等位。黎酒店餐廳食嘢就預咗要俾貴少少，買個環境同埋氣氛丫嘛。餐廳會先上兩碟前菜，係螺肉同埋中華沙律，幾好味。蟹籽沙律 $68青瓜爽口，蟹籽和蟹柳的份量都幾多，唔錯。三文魚刺身 $68甜蝦刺身 $68北寄貝刺身 $58三文魚不算肥美，而且$68仲要得4片。甜蝦係唔錯嘅，甜甜的，啲肉唔會梅。北寄貝有驚喜，係四隻完整的北寄貝，而唔係平時見到嘅一開二，肉質仲幾爽甜添！不過其中一隻有少少沙。雪花面譜啤酒日本餐廳做promote的中國啤酒，同海鮮類唔係好夾，攪到個口多咗浸腥味，唔識欣賞。鐵板山賊雞肉 $88黑椒雞肉幾惹味，底下的洋蔥充滿牛油香。醬油炒飯 $78醬油的鹹味很突出，金菇很爽口，不過炒得有啲過火，有浸燶味，可惜。