Marble (Closed)

復活假前比我搵到銅鑼灣皇冠假日酒店內，有一間食OMAkASE，外面睇已經覺得好新潮，入到去原來有一個開放式廚房感覺又有點西式佈局，用西方煮法同日本食物溶合。 今次就食一個小小午餐SET，試下西日合作既OMAKASE。 之後我地就叫左支酒，係店員推介下我地就點左 作惠乃智 純米吟釀。我地選好杯仔後，店員就會用額外溶器及冰保持溫度。這支酒味道甜中帶甘，飲落又夠順口但酒精並不會太濃烈。好似比較適合女士飲用。 赤身同牡丹蝦作頭盤，，兩款都好新鮮而且牡丹蝦好鮮甜，盤下放左乾冰影相打卡一流。 和牛牛柳三文治外層麵包用左來自北海度方包。和牛牛柳部份先用油炸到脆薄，咬落好有好脆，牛肉質香濃有彈性。一口一口咬慢慢地品嘗。內有切得細小紅蔥頭食落又幾甜。 牛肉上湯每一口都是牛肉精華，飲完成身暖粒粒夠晒補身。 牛肉薄燒。師傅用鐵板燒快煎兩面，肉薄但夠香濃燒汁味重。牛肉點一下日本生雞蛋，味道能夠立即中和下，日本飯粒粒粒分明好有米香味。餘下蛋漿同飯混合十分滿足。 最後選左抹茶雪糕同咖啡作午餐總結。