正九清湯腩．冰室 (美輪大廈)

Open Now

Now Closed

「正九清湯腩」早排喺北角開咗新分店，餐廳除了主打清湯牛腩外，原來仲有唔少冰室美食、鑊氣小炒、懷舊住家菜等供應。晚市時段到訪，點了一個百搭套餐 ($288)  蒜蓉粉絲蒸蝴蝶蝦，配小菜 2 款、白飯及自家製糖水。蒜蓉粉絲蒸蝴蝶蝦：開邊蝦蒸得啱啱好，蝦肉又嫩又爽，火候控制合宜，粉絲索晒甘香炸蒜同鮮蝦嘅肉汁，令人回味無窮。鳳梨脆皮咕嚕肉：咕嚕肉用上梅頭肉，肉質鬆軟腍滑，食落完全唔痴牙，加上外皮炸得夠香脆，沾上滿滿嘅甜酸汁，夾埋啲菠蘿食，開胃解膩！惹味大馬站煲：啫啫煲熱辣辣，上桌時香味四溢。火腩肥瘦適中，韭菜、豆腐吸收晒蝦醬嘅鹹香同燒腩嘅肉香，用嚟送飯一流。飯後甜品喺餐廳自家製嘅番薯糖水，番薯盛得滿滿，入口腍身香甜，加上微辣薑湯，啱我口味。