Video
Read full review
2020-03-09
4811 views
大肥爸爸剛剛成為「香港JW萬豪酒店萬譽會」嘅會員，週二晚即約同大食會小組去酒店中餐廳晚聚。由於「萬豪金殿」傍晚六點先開門，九人飯前就應經理哥哥建議，先上四樓嘅「Bar Q88」歡樂一番！酒店嘅酒吧位置都幾隱蔽吓，接待處原來與「The Lounge」共用，入口亦必先經過自助餐廳。通道左方可見名牌香檳「Moët & Chandon」光亮吸睛嘅擺設，明顯係酒店嘅合約品牌。酒吧區域有個舞台，據悉每晚八點半後都會有外籍樂隊表演。樓底高高嘅大廳開揚通爽，空間感足，厚墊椅櫈及梳化亦十分舒適。單身嘅酒客大多都選擇坐高高嘅吧位。小食項目只有一頁，萬譽會會員可專享七折優惠。最吸引就一定要數週一至六嘅歡樂時光，因為指定飲品全為買一送一！不過大家要留意，週一至四嘅歡樂時間設為下午五點至九點，而週五及六就少咗一個鐘，亦即下午五點至八點。飲品牌共有十六頁之多，香檳頁中只有特約品牌「Moët & Chandon Brut Impérial」可續杯叫，HK$260/杯及HK$1,050/樽。（有意參閱飲品牌可直接上網睇，版本絕對比細佬所影嘅清晰得多：https://modules.marriott.com/resou
酒店嘅酒吧位置都幾隱蔽吓，接待處原來與「The Lounge」共用，入口亦必先經過自助餐廳。
通道左方可見名牌香檳「Moët & Chandon」光亮吸睛嘅擺設，明顯係酒店嘅合約品牌。
酒吧區域有個舞台，據悉每晚八點半後都會有外籍樂隊表演。
樓底高高嘅大廳開揚通爽，空間感足，厚墊椅櫈及梳化亦十分舒適。
單身嘅酒客大多都選擇坐高高嘅吧位。
小食項目只有一頁，萬譽會會員可專享七折優惠。
最吸引就一定要數週一至六嘅歡樂時光，因為指定飲品全為買一送一！不過大家要留意，週一至四嘅歡樂時間設為下午五點至九點，而週五及六就少咗一個鐘，亦即下午五點至八點。
飲品牌共有十六頁之多，香檳頁中只有特約品牌「Moët & Chandon Brut Impérial」可續杯叫，HK$260/杯及HK$1,050/樽。（有意參閱飲品牌可直接上網睇，版本絕對比細佬所影嘅清晰得多：https://modules.marriott.com/resourcefiles/hkgdt-jw-marriott-hotel-hong-kong-l1-bar-q88-file/bar-q88-menu-2019.pdf?version=3062020024748）
Moët & Chandon Brut Impérial
$260
557 views
1 likes
0 comments
如果唔係怕溝酒會醉的話，個人會覺得飲生啤最抵，HK$95有兩大杯。
送酒有免費花生及pretzels。
以JW萬豪酒店地址，即Queensway 88（金鐘道88號），取名嘅「Bar Q88」環境高雅中不失時代感，闊落舒適，年輕嘅服務生友善客套，週一至六歡樂時光指定飲品可享買一送一優惠，絕對幫襯得過！
Post
