Video
Read full review
2024-10-09
1160 views
做完嘢跟大隊到Rosewood嘅瑰麗冰室Holt’s Café簡單食個lunch，樓底高，裝修華麗帶摩登復古風，今日天氣涼涼哋，我哋揀咗坐戶外位置，可以飽覽尖沙咀城市景色。冰室靈感源自茶餐廳文化，一頁紙menu都幾多款，中式、西式、燒味都有齊，大家各自叫自私食，我見到廚師精選推介有乾炒和牛河，都有啲想試，最後決定叫神級叉燒飯，就一於試吓佢有幾神。店員奉上麵包籃，每人都會有法包及甜包，法包外脆內煙靭，鍾意搽大量軟牛油嚟食。✥ 神級叉燒飯 $298叫得神級就一定有啲期望，選用高質食材，叉燒用上西班牙黑毛豬梅頭肉，唔係半肥瘦，切得有厚度，入口微帶焦香蜜汁味，肉質軟腍到不得了，有肉汁夠juicy，係好腍同好味嘅，但就失去咗傳統叉燒嗰種半肥瘦，嗰種甘香爽口肥膏位嘅口感。用日本有機蛋煎成荷包蛋，蛋黃流心加少少燶邊幾香口，再加兩條菜遠，正常發揮啦。選用山形大米做葱油飯，粒粒飽滿，好鍾意日本珍珠米飯嘅煙韌口感，配古方秘製陳年醬油，再撈埋蛋汁一齊食，惹味開胃，我成碗飯食晒，細食嘅亦可以叫少飯。✥ 芝士鮮茄焗豬扒飯煎蛋 $290✥ whisky on the rock嚟得酒店食茶餐廳都預咗價錢會貴一截，當
冰室靈感源自茶餐廳文化，一頁紙menu都幾多款，中式、西式、燒味都有齊，大家各自叫自私食，我見到廚師精選推介有乾炒和牛河，都有啲想試，最後決定叫神級叉燒飯，就一於試吓佢有幾神。
店員奉上麵包籃，每人都會有法包及甜包，法包外脆內煙靭，鍾意搽大量軟牛油嚟食。
神級叉燒飯
128 views
1 likes
0 comments
✥ 神級叉燒飯 $298叫得神級就一定有啲期望，選用高質食材，叉燒用上西班牙黑毛豬梅頭肉，唔係半肥瘦，切得有厚度，入口微帶焦香蜜汁味，肉質軟腍到不得了，有肉汁夠juicy，係好腍同好味嘅，但就失去咗傳統叉燒嗰種半肥瘦，嗰種甘香爽口肥膏位嘅口感。
用日本有機蛋煎成荷包蛋，蛋黃流心加少少燶邊幾香口，再加兩條菜遠，正常發揮啦。
選用山形大米做葱油飯，粒粒飽滿，好鍾意日本珍珠米飯嘅煙韌口感，配古方秘製陳年醬油，再撈埋蛋汁一齊食，惹味開胃，我成碗飯食晒，細食嘅亦可以叫少飯。
✥ 芝士鮮茄焗豬扒飯煎蛋 $290✥ whisky on the rock
嚟得酒店食茶餐廳都預咗價錢會貴一截，當然亦會有相應嘅期望，除咗食物質素，都會睇埋環境同服務，三百蚊一個叉燒飯係高質嘅，至於值唔值得試，就見仁見智喇。
#Holt‘s Cafe地址：尖沙咀梳士巴利道18號香港瑰麗酒店2樓
Post
