Video
Read full review
2018-02-04
223 views
有內地朋友黎左香港住喺尖沙咀粵海酒店，因為佢第二朝早機走，所以都唔想去太遠食晚飯，佢就提議近近地去酒店入面既日本餐廳食。我本來諗住酒店食野一定好貴，去到門口睇左個menu發現價錢又唔算好貴喎！同平時一d中價日本餐廳咁上下，就試下啦！一開始就要左個鱈魚乾做小食，本來以為係淋淋地個種，點知係超級脆！好似薯片咁，而且有淡淡魚香，唔會好腥。之後要左個新品火炙燒和牛沙律，和牛油份偏多，但配合麻醬食就冇咁漏，仲入口即溶。食日本野點可以冇刺身，今次要左三款，包括油甘魚，活北寄貝，比較少見既島池魚。全部都好新鮮，一點腥味都冇，而自己最鐘意係係活北寄貝，十分爽口，d邊位都唔會硬，好鮮甜！到又係唔可以唔食既壽司，要左碟大蝦天婦羅反卷，飯面有d天婦羅碎，增加口感。到熱食了，先黎天婦羅，有茄子，蕃薯，秋葵，金菇，同一粒巨型冬菇。呢個天婦羅係我食過最好食既頭三位，天婦羅外層好薄，一d多餘的油分都冇。再黎兩款串燒，有爽口的雞腎。同豚肉蘆筍卷，薄薄的豬肉卷住翠綠的蘆筍。再要左個燒羊架，羊味比較重，如果怕羶既人可能未必接受到，但我自己就好中意，加少少檸檬汁同芥末食岩岩好。雖然已經好飽，但朋友見到有饅魚飯忍唔住叫左，呢
我本來諗住酒店食野一定好貴，去到門口睇左個menu發現價錢又唔算好貴喎！同平時一d中價日本餐廳咁上下，就試下啦！
一開始就要左個鱈魚乾做小食，本來以為係淋淋地個種，點知係超級脆！好似薯片咁，而且有淡淡魚香，唔會好腥。
之後要左個新品火炙燒和牛沙律，和牛油份偏多，但配合麻醬食就冇咁漏，仲入口即溶。
食日本野點可以冇刺身，今次要左三款，包括油甘魚，活北寄貝，比較少見既島池魚。全部都好新鮮，一點腥味都冇，而自己最鐘意係係活北寄貝，十分爽口，d邊位都唔會硬，好鮮甜！
到又係唔可以唔食既壽司，要左碟大蝦天婦羅反卷，飯面有d天婦羅碎，增加口感。
到熱食了，先黎天婦羅，有茄子，蕃薯，秋葵，金菇，同一粒巨型冬菇。呢個天婦羅係我食過最好食既頭三位，天婦羅外層好薄，一d多餘的油分都冇。
再黎兩款串燒，有爽口的雞腎。
同豚肉蘆筍卷，薄薄的豬肉卷住翠綠的蘆筍。
再要左個燒羊架，羊味比較重，如果怕羶既人可能未必接受到，但我自己就好中意，加少少檸檬汁同芥末食岩岩好。
雖然已經好飽，但朋友見到有饅魚飯忍唔住叫左，呢度既朴葉饅魚飯原個木盒上，熱辣辣，岩哂最近咁凍既天氣。而且饅魚非常厚肉肥美，真係好飽肚！
最後店員問我地有冇興趣試吓手工鮮製雪糕，朋友要咗豆腐味，自己要咗呢杯香蕉味，2杯都好濃郁，而且好creamy好軟滑，同平時出面食到嘅雪糕真係好唔同，值得一試！
估唔到酒店入面都有一間食物質素咁高但價錢非常合理既日本餐廳，而且呢度嘅環境好適合傾計。店員服務態度十分之好，天氣咁凍不斷幫我地添熱茶，傳菜速度都好快，下次有朋友生日都會考慮再嚟！
Post
