御名軒

Open Now

Now Closed

《御名軒》聽聞呢間餐樓有私房菜食，今日就同咗公司同事去試下！佢好近地鐵站，出去轉左就到！🥢冰鎮南非鮑魚(2隻，$78/1）呢個冰鎮鮑魚賣相勁靚！擺盤有啲似食緊日式料理咁！鮑魚食落有爽口彈牙，佢仲要上菜時已經預先切好細分，幾有心思！🥢京式片皮鴨(半隻，$88)佢有一隻同半隻揀，我地叫咗半隻～ 半隻份量唔多，岩2-3人食～ 片皮鴨好香好脆口！同埋幾鍾意佢個北京填鴨醬！可惜配菜有點少～ 🥢大花尾龍躉兩味($268)兩味分別係翡翠炒斑球同埋雲耳蒸斑球腩～ 前者用咗西蘭花炒炸斑球，後者就用雲耳蒸～ 我就鍾意炸多啲🤣 因為香口啲～ 但蒸既鮮味就會比較出，幾鮮甜好味！