翠園 (荃新天地) (Closed)

食完個好滯既程班長豬排飯，夜晚就同屋企人去酒樓食飯。翠園位置方便，荃新天地離西鐵站10分鐘步程。環境光猛企理，樓底就偏低顯得有d局促感。我地叫左幾個小菜同例湯。清炒桂魚絲系將魚肉切成條狀，再落油鍋炒。味道頗佳，魚肉新鮮，腥味不顯，廚師刀工不錯。再配上吸油既西蘭花，送飯一流。另外一個特色就系煙熏松露百花鴨，酥脆熏香既鴨皮加埋釀入其中既魚肉，兩者皮肉相連，顯出制作用心與其性價比。整體價錢稍貴，不過特別既菜色加上方便既地理位置，都叫做值回票價啦。