酒鍋 (天文臺道) (Closed)

天氣又開始愈來愈凍，打邊爐真係一流，。我最care係湯底同埋海鮮夠唔夠新鮮，同埋男朋友夠唔夠飽 lol。酒鍋全要二人餐 ($776/2位)點解揀呢個鍋係因為佢有海鮮！而且係黃金美人湯底。仲有花膠同雞，份量都唔少。醬料方面有好多款，淨係蒜都有幾款，岩晒我重口味。海鮮有扇貝、聖子、蝦同埋蜆，扇貝好甜，蝦都好爽口。唔少得有牛肉！好大塊之後仲有黑松露蝦蟹餃、魚皮餃、手打墨魚丸、手打芝士蝦丸同埋凍豆腐。最緊要係有好多菜可以埋尾！野飲就叫左d特色野，Summer Delight ($58) 同埋Peachy Punch ($58)。餐廳好大，每張枱都好大，坐得好舒服，裝潢都幾有feel。