酥妃皇后 (蘇杭街)

Open Now

Now Closed

下午茶時間，做野做到好攰，想搵啲野食下。同事們推介我試下呢間以酥皮做主打既 Queen Sophie，話佢既蛋撻唔錯，咁就買黎試下啦～～4點幾去到，都仲有好多撻揀，同事推介蛋撻，咁就要蛋撻，個人比較鍾意葡撻，就要埋黎試下。先講嗰酥皮，本來以為兩個一樣。但食落葡撻既酥皮明顯比較酥脆，而且牛油味比較特出。唔知係刻意定意外😅😅蛋撻既蛋部分都算滑，但係蛋味就唔特出，整體既味道都偏淡。而葡撻蛋部分係比蛋撻甜，但焦糖化唔夠，所以除左甜啲之外，同蛋撻沒分別。以$12蛋撻同$17葡撻黎講算係大件同唔錯既。