專業咖喱皇 (Closed)

睇完雜誌介紹咖哩，突然又想食，其實佐敦都有好幾間咖哩館/屋，呢間雜誌都有介紹過，決定入去試下。地方唔係靚，勝在光猛、乾凈，不過最唔好就係有人食煙。有好多款唔同特色的咖哩，但主角都不外乎豬牛羊雞魚等等，先問待應姐姐邊樣咖哩最辣，佢介紹印度皇咖哩。我就決定試下中辣印度皇乾咖哩羊扒，咖哩汁先分開上的，咖哩汁係夠辣，但係缺少了咖哩香味，而羊扒好肥，肥膏多過肉，羊羶味不太重。繼而再叫大辣酸咖哩牛”月利”，其實味道唔酸，反而帶點甜，牛”月利“切得好薄，兩款咖哩汁比較，我o地都應為這隻味道較好。兩款咖哩可跟飯或二塊薄餅，我揀晒薄餅，係由一個印度女仔即場整的，所以時間較耐，但上時係熱到燙手的，點了咖哩汁好美味。另外再點了蒜蓉炒椰菜，出奇地好味，老公飲左個咖哩周打魚湯，完全沒有咖哩味，與一般的周打魚湯有D分別，沒有忌廉味但有好濃的雲呢拿味，湯中仲有幾舊魚塊，其實係雪藏炸魚塊，我仲以為係麵包糠。總括來講都食得過，不過之後都幾口餲。