Yogo Frozen Yogurt (Closed)

晚飯過後個friend話要食乳酪雪糕，喺佢極力推介下就嚟咗。小弟唔食乳酪，亦未聽過乳酪雪糕，去咪當見識下咩東東！鋪頭裝修醒神，不過食物的解說就差咗D，只有圖加英文解釋，對於小弟"大鄉里"來說，已經打了折扣。幸好在friend的幫忙下，知道有4種乳酪雪糕的味道，揀咗乳酪雪糕，然後再揀配搭各類碎碎(但欠缺標示，唔知邊隻打邊隻)，俾埋錢就成事！個friend揀咗原味乳酪雪糕，配oreo碎(忘記其他是什麼)，女朋友揀咗士多啤梨味乳酪雪糕，配朱古力碎及燸米糍，自己就貪過癮試佢哋嗰個。外觀同普通雪糕無分別，食落的差別也差唔多，係多咗分酸的味道！士多啤梨味乳酪雪糕的士多啤梨味唔強，唔突出，相比原味乳酪雪糕，小弟prefer原味，至於D碎碎呢，可能大粒咗少少，與雪糕一同入口，雪糕食完，D碎碎還在口裡未完，加上碎碎D味道入唔到雪糕裡面，顯得格格不入。整體無咩特別突出，但又未算入唔到口，只係合格貨色。