太二老壇子酸菜魚

Open Now

Now Closed

一講起好食既酸菜魚，太二酸菜魚一定榜上有名，不過要特登返大陸食，我又無乜咁既動力，今日行下啟德個新商場AIRSIDE既時候見到呢間，好多人排隊，平日閒日都咁旺，證明真係好有人氣，襯有時間我地都唔執輸等埋一份，入到去見到環境都幾乾淨企理寬落。🔴老壇子酸菜魚(1至2人份)一黎到見到入面有滿滿既花椒我真係流晒口水🤤🤤🤤未食已經聞到酸菜魚既香味，啲肉夠晒嫩同埋夠鮮，佢地既口號係酸菜比魚好吃，但係我覺得兩樣都好好食呀！果然名不虛傳，太二既酸菜魚的確出色，我地仲加左粉絲，好滿足🤩🤩利伸：我本身都食得好辣，覺得佢地set好既辣度都可以接受既，起碼有啲辣味，但完全唔食得辣果啲朋友要留意下了。 🟤個個中意食雞翼雞翼炸到好出色，顏色好靚😍本身以為個雞翼會好熱氣，點知食落又無呢種感覺，十分香口。 🟡蝦仁娃娃菜娃娃菜浸左係滿滿既湯汁入面，好入味！上面除左蝦仁，仲有午餐肉粒，轉個頭就清晒。🔵蝦仁嘅鐘水餃一咬就咇晒啲肉汁出黎。皮薄餡多。🟣飲品佢地本身提供花茶corner，俾客人自己整陳皮洛神花茶。不過我地想飲啲凍野就叫左兩杯楊桃百香果檸茶，好fresh！