麻辣派對 (Closed)

心血來潮好想食麻辣派對，另一半又唔方便出街，於是我去買外賣。我唔知呢間同金百利店係咪唔同，上到去個餐牌都唔同，呢間冇干鍋嘅🤔咁我就叫左其他嘢，見到有酸菜牛肉，即叫，另外一個辣子雞。通常餐廳都係酸菜魚，好少有酸菜牛，因為另一半唔食魚，所以叫牛，牛肉都幾多，不過浸得耐都有啲老。主角酸菜好夠酸，成兜湯又夠辣，好開胃呀😆香口嘅辣子雞冇酸菜牛咁辣，又係好好送飯嘅，雞件唔算好多嘅。外賣味道質素都咁好，堂食應該都試得過。兩人埋單130，外賣有九折呢。