火鍋撚 (染布房街) (Closed)

平日返完工諗住同朋友食個快晚餐，但諗咗好耐就決定treat day ! 去左打個邊爐！一嚟到就叫啤酒先啦緊係，飲勝！湯底嗌咗酸菜白肉湯，大熱天打邊爐梗係要酸酸地先夠開胃桂花蚌同珊瑚蚌可以兩溝咁嗌，仲有埋教學，唔好淥咁耐，新鮮又爽口流心鹹蛋黃豬肉丸，鹹香味十足，又夠流心海瑞香菇貢丸又彈牙因為太肚餓，仲嗌咗熟食椒鹽九肚魚，椒鹽味濃又唔會話好多粉，炸得超好仲有個瑤柱干貝滑，平時蝦滑墨魚滑就食得多，呢個都算特別，好足料好鮮味最後仲揀咗個極品黑豚肉，襯返成個酸菜白肉湯底，成件事勁match !之後糖水，最後佢送咗一人一個腐竹雞蛋糖水沙冰，又清甜又解渴夏天飲fit 晒！