十三少 (Closed)

好耐冇食酸菜魚，見十三少出咗個荷葉蟹飯，帶媽子黎試吓先。元朗其實都唔少酸菜魚專門店，但係十三少勝在魚肉新鮮又抵食，佢真係勁大盆魚🤤媽子唔食辣所以叫左小辣，啖湯酸味適中，店員話係用新鮮魚煲，好好飲，唔會太鹹。魚肉係完整一大塊，我諗廿塊都有，食極仲有😋仲有海量鹹酸菜、萵筍、炸雞髀菇同白蘿蔔。🦀荷葉蟹飯有驚喜🤤叫左個細份都足二人份量有突，而且原來蟹同蒜蓉係咁夾。蟹有兩隻而且有膏，撈埋飯食一流。本身想食埋紅糖糍粑，但太飽都係留返下次先。