朝陽軒

Open Now

Now Closed

深水埗係一個搵食嘅好地方，野食款式又多又好味，價錢又平。今次搵到一間食辣野嘅好地方，好耐冇食過酸菜魚，所以就入左去。依間餐廳最出名嘅係酸菜魚，所以一定要點招牌老坛酸菜魚飯黎食，一上到黎就聞到酸辣味，已經流曬口水，份量都幾多。佢嘅湯底落左好多酸菜同花椒，食落辣味適中，好適合用黎送飯。魚切成魚片，一塊一塊咁，食落非常滑，仲要係冇骨，非常方便去食，佢仲要好入味，吸左湯底嘅酸辣味。佢除左有魚片，仲有大量嘅配料，有薯粉、芽菜、金菇同娃娃菜。小炒牛肉飯係平時嘅家常小菜，但佢嘅賣相非常吸引。牛肉食落幾淋，唔會整到好老，咬唔到，佢配上雲耳及青椒非常惹味，都係有少少辣味，送飯非常正。