十三少 (Closed)

涼拌土豆絲🌶有少少辣但係唔會太過火，土豆絲切得幼細而保持到索索脆，係幾惹味嘅前菜～酸菜魚🐟嚟到十三少當然係為咗食酸菜魚啦，酸菜魚用大大嘅盤裝住，上到枱好有氣派，侍應話一開始可以飲一飲個魚湯，我地叫咗小辣，所以唔算好辣，酸辣程度幾適合，魚片無骨又嫩滑，底下有啲菇同埋萵荀 🥬蒜香荷葉蟹飯🦀賣相同樣吸引，飯面有兩隻蟹仔，雖然唔係好大隻但係驚喜在竟然有少少膏，依家果然係蟹開始當造嘅季節，廚師都好細心咁扑碎咗蟹鉗，食嘅時候會容易一啲，至於飯粒吸盡荷葉香同埋蒜頭香，兩者相加真係香噴噴，除咗酸菜魚好食，原來荷葉蟹飯都唔錯🍚