川舫 (嘉湖新北江商場一期)

Open Now

Now Closed

見都幾多人介紹過呢間川舫，今日黎左試下，地點係新北江地面個層，近後門位置，地點都唔算易搵。坐低左睇下餐牌，午餐都幾多野揀，有辣有唔辣。點左酸菜魚，午餐送白飯同熱飲，凍飲加三蚊。份量都幾大，賣相唔錯。叫左小辣，望落唔多辣椒，試一啖湯，味道對胃喎，鹹鹹酸酸同微辣，好易入口。魚肉都幾嫩滑，問下店員，佢地話用新鮮生魚，唔錯唔錯，浸下湯汁好正。入面仲有娃娃菜同大豆芽菜等，吸了湯又係好好味。唔少得薯粉，勁彈牙呀～白飯一大碗，撈湯食正呀。由於食辣野同個場都幾熱，呢杯凍奶茶顯得特別好飲，茶香奶滑，最緊要夠凍！味道真係唔錯，價錢唔貴份量足，唯一美中不足就係唔夠冷氣，天氣咁熱好想涼浸浸咁食返餐嘛。