川舫 (嘉湖新北江商場一期)

Open Now

Now Closed

1.垃圾服務質素 2.環境不衛生(餐桌黏立) 3.食物變質以前已經幫襯過幾次，今次打算再嗌返酸菜魚。冇諗到等咗就嚟半個鐘，上枱嘅係一碟黃色湯底嘅酸菜魚😅😅😅係到食咗咁多次都冇試過湯底係咁嘅顏色，喺其他店亦都冇見過。啲湯係水油分離咁樣嘅質地+以往嘅酸菜魚會放乾辣椒喺面，但今次沒有。但唔係一個好大嘅問題，所以唔係好緊要。雖然睇落已經好怪，但係都諗住只係賣相嘅問題，所以試一啖。點知有餿味😅試多幾啖都係咁樣覺得。覺得有問題就梗係搵老闆娘，點知一話個酸菜魚有問題，老闆娘嘅態度就180度轉變！一直爭執話冇問題，由以前開始就係咁！話係無理取鬧係想食霸王餐😅😅😅但幫襯過咁多次都冇試過係咁樣嘅味道，係咁樣嘅賣相。 因為老闆娘惡劣嘅對待態度，令我哋唔想再繼續食，打算快啲離開，於是就賣單。但係老闆娘依然話我哋想食霸王餐🙂成個用餐體驗已經非常唔好，仲要係咁樣嘅服務態度😄😅同時個廚師都喺度叫老闆娘唔好咁長氣，退錢比我地。但如果個酸菜魚冇問題嘅話點會咁冇底氣？可想而知錯嘅係邊個🙏🏻老闆娘終於肯收錢嘅時候，因為我哋已經覺得好不滿，所以未找錢就想盡快離開。點知老闆娘喺度大嗌「我唔要你哋啲錢」仲將我哋啲錢掉落地下！😅服

之前食咗一兩次酸菜魚冇問題先諗住返去食檸檬手撕雞都尚可接受 凍奶茶就飲到一陣好奇怪嘅糖漿味晚餐時間去到食完個檸檬手撕雞，等咗差唔多20幾分鐘先至上酸菜魚，點知個酸菜魚杰撻撻之餘仲要有浸餿味，顏色同埋質感都好似粟米濃湯咁樣。話返俾佢知有呢個情況，唔接受不特止仲要講返轉頭係食客問題，走嘅時候雖然肯唔計酸菜魚，但係找錢嘅時候竟然掉落地下，作為一間餐廳、服務業，會有咁嘅質素，難怪越嚟越少人留喺香港消費。而且衛生質素欠佳，光顧前請三思。

午市套餐酸辣炒肥腸加夫妻肺片王老吉加冰底總共$109 夫妻肺片～牛柏葉牛脷～份量多惹味酸菜炒肥腸～中辣～非常之送飯加上佢性價比值高～不過胃口比較大嘅可以嚟呢度食～

北江商場最底層的一間主打川菜的餐廳 ·老壇酸菜魚（鱸魚/1條）一條魚兩食 除了會以酸菜魚上菜外 還送了椒鹽魚一份真心的！個人認為椒鹽魚好香口更好食😂酸菜魚就..普通得沒有得再普通那種另加了薯粉和䈑筍片 正正常常可能是我太幸運 第一口就吃到有骨刺及像未熟還是什麼就是咬不斷的鱸魚片 第一口就失望了一次就好沒有下次再去的理由·酸辣土豆絲 好鹹 適合餸飯食 但口感都幾爽口嘅

又係收工約老友食飯，選址又係新北江，可能由於星期6晚食飯時間好多想食既餐廳都爆場，周圍行緊之際經過呢間川舫門口唔知係味咪老闆娘既店員就招待我地，咁反正唔知食乜就一於試下啦，反正我同老友都食到少少辣，店面好開揚，門面同坐位就直接擺晒出黎，得幾張枱，隔離果間糖水鋪原來都係佢地的，唔夠位時可以坐埋係糖水鋪度食。坐底慢慢睇下餐牌，大部份既川菜類都有，主要都係辣，唔食得辣既朋友就要留意下，睇完我對個烤魚好有興趣，就點左一份，再另外加款小菜吧，由於怕太辣食得辛苦就2樣都叫微辣試試先。烤紙包魚魚係用鱸魚，肉質都幾腍滑，都算幾大條，表皮我覺得可以再香脆d，配料本身跟左薯仔片，薯粉同木耳，有個爐烘住咁保持熱度，我地揀左微辣但都見到個汁好紅同埋都有唔少既花椒，但食落就真係唔會好辣，好過癮。萵荀炒肥腸小菜想食返d蔬菜叫左個萵荀炒肥腸，都係微辣，萵荀我平時好少食，食落都幾清甜，肥腸唔會好肥，腍得黎有咬口，少少辣調味幾夾，呢味小菜都有d驚喜。晚市小菜無套餐的，我地另外叫左白飯就8蚊碗，飲品都係基本奶茶咖啡果d同埋罐裝汽水，原價12-14蚊，有叫小菜就半價。呢餐雖然話係路過求其食，但都叫有d驚喜，食物質素算唔錯，

平時新北江食嚟食去都係嗰幾間今日放lunch就去咗睇啲foodie介紹咩餐廳😗見到呢間都幾吸引就入咗去一開波嗌咗呢個老壇酸菜魚($68)個湯嘅酸味都幾適中👍🏻有得揀辣度我嗌咗中辣，但我覺得都唔算辣，我功力只係三哥10小辣😂😂啲魚冇乜骨👍🏻同埋煮得幾嫩基本上菜多過魚，但個湯撈飯都幾好食如果細食嘅話其實兩個人食一碟都OK佢都好大兜同埋午市嗌咩都會跟返個飯🍚一定夠飽🤰🏻之後嗌咗個包菜東坡肉($48)呢個就麻麻地啲肉好韌😓同埋太多菜冇乜肉個味道大約似麻辣小炒咁樣就算再食呢間都唔會再嗌呢個天地一號(跟餐+7)

新北江商場内其中一間小店主打食川菜，今晚8點專誠坐車去試食，剛好即時有位，簡單點了酸菜魚（小辣）、小炒牛肉、手撕雞+2個飯，飲品王老吉及蘋果醋（奇怪是沒有熱檸茶🤣）雖然是屬於小店，人手少但服務非常好，不過都有落錯單🤣，酸菜魚小辣好啱口味😋，手撕雞溝牛柏葉非常好味，小炒牛肉非常辣，用咗好多辣椒同青椒去炒，牛肉非常嫩口，無得彈👍入座記得安心出行，可以用微信支付！今餐埋單$280，有得take away。多謝🙏

今日嚟天水圍交收，難得山長水遠入到嚟，梗係睇吓有咩好食，到左兩點左右，開始肚餓，在嘉湖新北江商場附近，行入商場第一間就見到間食川菜，企在門口都聞到香味，就呢間啦！⭐️口水雞⭐️麻辣程度岩岩好，雞件大舊，好滑，個汁好岩口味⭐️酸菜魚⭐️魚超新鮮，香滑，無骨重點係酸菜魚個湯底，好好味，仲有薯粉，吸收哂湯既精華😋😋😋淨係食薯粉都食飽🤣🤣侍應仲問洗唔洗要飯，當然我老公緊係要啦！見佢食完薯粉又食哂成碗飯，就知道味道係點🤣🤣

今日我同我老友約會tea 1 tea，佢話要食川菜但只想喺天水圍食，幾經辛苦終於揾到呢間<川舫>!雖然話係兩點半左右，但都差唔多坐滿人，環境夠開揚，令人坐得好自在😊🍲老壇酸菜牛肉呢兜老壇酸菜牛肉個湯底望落金黃色，賣相都幾吸引🤩先飲一啖湯，嘩！酸得嚟帶少少辣，越飲越惹味😋忍唔住都叫咗一碗白飯，我哋兩個share食，貪白飯索哂啲湯嘅精華，食到唔停口，令到胃口大增😂牛肉切到每塊都差唔多大細，質感都算嫩滑，唔錯！入面仲有啲酸菜、旺菜同Q麵，兩個人食就啱啱好！🐔經典手撕雞肉質唔算靭，雞皮夠爽口！味道微辣帶少少麻，都算幾滋味！加上花生同炸豆粒夠香脆，我哋兩個一路傾一路食，不知不覺間就食哂！呢碟手撕雞最啱送啤酒🍻一流👍🏻

今日黎到新北江商埸揾食發現這間川菜「川舫」，由於時間尚早，這店位處商場近後門的角落，人流也不多，有不少位坐，而且見到午餐價錢亦合理，於是入去一試。由於友人不太食辣關系，於是點了兩份唔辣既午餐，分別是手撕雞和腩肉花菜。手撕雞醃得入味，還有在面頭放上莞茜，增加了香味及口感。至於腩肉花菜，最初點這味餸時會憂慮大部份都是肥豬肉，不過上菜後才發覺憂慮是多餘的，每塊肉片肥瘦適中，而且份量充足，兩味菜都適合送飯。

今日去開大西北，朋友就帶左我去天水圍既一間川菜小店食飯。聽聞呢間鋪新開無耐，而且位置係商場地下既一個小角，都有少少難搵。菜式唔算好多，但好多款我都有興趣，今次就揀左酸菜炒牛肉同檸檬手撕雞先試試佢。檸檬手撕雞真係好適合咁熱既天氣食，酸酸辣辣，又係涼拌小菜，食落清新又開胃。雞絲都算幾滑，又有咬口有彈性。酸菜炒牛肉份量都唔少，好適合愛食酸菜既人。牛肉食得出無落鬆肉粉，有牛味又好食。因為落左唔少酸菜，所以會有啲咸，但咁樣真係超好送飯～另外仲有啲尖椒係入面，真係超正！最值得讚既係佢完全唔會好多油。平時食川菜既小炒，最怕就係食到底全部都係油浸住哂，而呢到係完全唔會有呢個問題！

本來想試下呢間餐廳，因為未食過。所以早兩日，經外賣平台叫咗外賣自取。我對比過外賣平台既價錢同佢店既餐牌，外賣平台既價係貴d，咁都好正常嘅。我比完錢落埋order，去攞我嘅外賣。餐廳職員竟然同我講，因為你係外賣平台叫，所以每個餸份量會少三分一。話因為外賣平台做折扣，佢地無得賺。我當堂眼都突埋。從未試過有餐廳會咁做。其實餐廳唔join 外賣平台外賣自取咪得囉，或者調高個價，或者取消我張單都得。佢亦無電話搵過我，講會有份量出入既事。當刻即時搵外賣平台客服協助。當時距離餐廳50米左右，聽到外賣平台職員打去問餐廳，聽到餐廳職員好大聲講，鍾意食咪食，唔食咪唔好食囉。所以，外賣平台叫得我比返個d外賣餐廳，將單會自動取消。因為外賣平台講明同餐廳合作時，份量唔會有出入。呢次係餐廳既問題，佢地會再跟進。所以食物既味道唔知道係點，但經過今次既事同職員既態度，我唔會去再試。

今日食既呢一間係位於天水圍既川舫, 唔好睇佢係屋邨商場仔入面, 其實質素都唔差, 可以話係比起大型既店更加好今日係買黎做加餸既, 所以只係嗌左一樣最出名既酸菜魚食, 等左大約15分鐘先有, 因為係即點即煮的, 所以要多D時間等待一兜價錢唔算貴, 但係料就真係十足, 因為家人唔食得辣既關係, 所以只係叫左小辣, 有少少吊下味咁首先要讚係佢分湯咁上, 唔洗怕拎到返屋企會淋哂魚都係冇骨既, 而且入面除左魚之外仲有粉麵, 所以其實呢個都幾大份

今日來到這個平價商場，在二樓的小檔逛了一圈，吃了一個格仔餅夾花生醬，但未滿足，再下到地下，見到有辣的川菜，就坐下試一試。位置：在商場地下最邊端角落，對面是一間燒味舖。環境：L字形地舖，座位不多，是四個人的方木桌椅，灰色牆身上有其招牌菜介紹，是街坊式餐館。午市：經典手撕雞$45份量不少，雞肉嫩滑，下層有少許青瓜絲，伴有花生和生蔥段。手撕雞的調味亦比平常的店舖更辣，是用辣椒粒，而不是麻醬，喜歡吃辣的朋友就覺得好。水煮牛肉例牌$88(配一碗白飯)份量充足，湯底呈鮮紅色，可見湯碗邊一層紅油，牛肉是新鮮的，肉質爽口鮮滑，伴菜有娃娃菜，大豆芽和薯粉，樣樣掛湯能力強，吸收了湯汁，有麻、香、辣的味道，我們都吃到直呼辣得很過癮，但這種麻辣只是麻痺了舌頭，而不是流鼻水。

去天水圍探朋友，知我中意食辣帶我黎新北江商場食川菜🌶呢個商場望落細細但原來可以行到好入，呢間位置一般，係地下果層最入。3點零黎到人流唔算多，可以食個快lunch。🔥手撕雞朋友唔食得好辣，同左姐姐講要小辣，黎到細細碟咁，雞肉撕得好幼身，仲有小小雞皮。食第一啖，原來係用雞脾肉，有啲驚喜，仲有好多蔥花同芫茜，岩晒我。啲花生同黃豆都好脆，如果份量多小小就仲好。😌下次應該要食半隻雞先夠皮。食到最後先覺得有啲辣、小小麻。🔥水煮牛肉又要就番朋友叫左小辣，成碗紅噹噹以為佢比錯辣。原來得個樣，真係小辣黎既😌面頭唔似大陸果啲鋪滿乾辣椒，但小辣都好夠味。牛肉好大塊冇雪味，仲有薯粉黃豆芽係底呢樣超大碗，牛肉比得好大方，送完兩碗飯都仲有。最難得係呢餐食完夜晚冇乜口渴感覺 very good。