廚十三老壇酸菜魚 (D2 Place ONE) (Closed)

✨酸菜魚（小份）雖然話係二人份，但份量超大，勁大兜，絕對夠三個人食。我地叫左小辣，都唔係好覺辣，感覺辣啲再過癮啲！魚肉都好多，肉質結實嫩滑，味道亦唔會有泥味或腥味。除左魚，仲有唔少配料，例如蓮藕片、豆腐、金菇等，所以我地淨係加左個寛粉。寛粉食落煙韌彈牙，加埋啲湯黎食非常好味！✨夫妻肺片食落有好多牛𦟌肉，比較少牛肚等，份量都好足料。食落有濃郁既花椒、紅油味道，而且唔會好辣，非常鮮香。牛𦟌味道咸香濃郁，口感結實，但煮到夠稔，唔會咬唔郁。