Video
Read full review
2023-07-02
61 views
位於荃灣海之戀商場既餐廳，一入去燈光舒柔明亮，環境超級舒適。店舖採用左木系裝修簡約乾淨，而且有好多貓貓裝飾非常可愛，好岩打卡！今次揀咗兩個全日套餐，佢可以揀一個小食、一個主食、一個甜品，同埋一杯飲品。今次小食揀咗台式涼拌鯛魚皮，麻辣惹味之餘，每一塊魚皮都做到爽口彈牙，唔會浸到淋晒。而另一個小食，揀咗涼拌皮蛋豆腐，要特別一讚嘅係皮蛋切到細細粒，真係可以同凍豆腐撈埋一齊食，味道亦相當恰當，唔會太鹹。而主食就揀咗老壇酸菜魚湯面，台式嘅麵條做到彈牙爽口，唔會浸到一嚿嚿咁。而湯底做到麻辣酸味平衡，食落去食到湯、魚、麵三種味道，唔會剩係得個辣字。而魚肉份量不少之餘，亦都相當嫩滑。成碗麵嘅每一個細節都做得相當好，食落去味道唔會太重太咸。而家市面上酸菜魚越來越多，但做得好食嘅就越來越少……今次真係好難得食到一個好味嘅酸菜魚湯底湯面！而另一個主食亦都相當驚喜 - 胡麻棒棒雞拌小醋麵！正當大家以為係普普通通嘅手撕雞麻醬拌麵，食落去竟然有陣陣嘅微酸，睇文字會以為唔太夾，但係成件事正好相反。麻將雖然好味，但係好容易食到太膩。而粗麵嘅微酸正好中和返麻醬嘅味道，做到開開胃既效果，成碟食晒都冇問題！呢一個配搭，的確
今次揀咗兩個全日套餐，佢可以揀一個小食、一個主食、一個甜品，同埋一杯飲品。今次小食揀咗台式涼拌鯛魚皮，麻辣惹味之餘，每一塊魚皮都做到爽口彈牙，唔會浸到淋晒。而另一個小食，揀咗涼拌皮蛋豆腐，要特別一讚嘅係皮蛋切到細細粒，真係可以同凍豆腐撈埋一齊食，味道亦相當恰當，唔會太鹹。
而主食就揀咗老壇酸菜魚湯面，台式嘅麵條做到彈牙爽口，唔會浸到一嚿嚿咁。而湯底做到麻辣酸味平衡，食落去食到湯、魚、麵三種味道，唔會剩係得個辣字。而魚肉份量不少之餘，亦都相當嫩滑。成碗麵嘅每一個細節都做得相當好，食落去味道唔會太重太咸。而家市面上酸菜魚越來越多，但做得好食嘅就越來越少……今次真係好難得食到一個好味嘅酸菜魚湯底湯面！
而另一個主食亦都相當驚喜 - 胡麻棒棒雞拌小醋麵！正當大家以為係普普通通嘅手撕雞麻醬拌麵，食落去竟然有陣陣嘅微酸，睇文字會以為唔太夾，但係成件事正好相反。麻將雖然好味，但係好容易食到太膩。而粗麵嘅微酸正好中和返麻醬嘅味道，做到開開胃既效果，成碟食晒都冇問題！呢一個配搭，的確係非常新鮮嘅配搭，大家以後食麻醬嘅拌面亦都唔使驚太飽太多。
甜品揀左朱古力味銅鑼燒同「芋見你」。「芋見你」其實即係仙草上面配有小芋圓、珍珠、紅豆、椰果、芋泥。唔好睇佢細細碗，佢因為十分足料同好味道，大家個胃記得留返少少空間去食呢一個甜品。
最後一讚要俾埋佢嘅珍珠奶茶，茶味濃郁，飲每一啖都茶香四溢，唔會太重奶味，而珍珠亦都彈牙爽口，軟硬適中。
要再再再一讚既係，服務人員積極主動，例如見到顧客孭住背囊，會即刻提供竹籃比顧客放置隨身物品。而且亦都會主動迅速收碟，服務態度值得一讚。
結論係，大家值得一試！不論環境、食物、服務，各方面都睇到餐廳既高水準。另外餐廳都有面條既零售商品，聽聞都相當不錯呢！我已經準備好下次要再食了！
0 views
0 likes
0 comments
0 views
0 likes
0 comments
0 views
0 likes
0 comments
0 views
0 likes
0 comments
0 views
0 likes
0 comments
0 views
0 likes
0 comments
1 views
0 likes
0 comments
0 views
0 likes
0 comments
0 views
0 likes
0 comments
0 views
0 likes
0 comments
Post
