旦王

Open Now

Now Closed

喺附近番工，經常都經過呢間旦王，其實幫襯過幾次，魚蛋燒賣果啲都係普通過唔普通，唯獨我就鐘意佢地嘅酸辣粉。今日收工行到過去，依然都係咁多人，位置比以前闊落，我先黎多左咋，以前得個小鋪位，人多起上黎都好逼。而家門口有幾張枱，後巷又有幾個位。點左酸辣粉，少麻少辣，天氣唔係好熱，喺條街食野都可以接受，遲啲熱少少，我諗我再想食都唔會企街嚕。酸辣粉喺香港食就點都唔平，但我覺得呢度起碼多料，廿幾蚊已經好過好多小食檔。酸辣粉個碗都用大陸果種，一模一樣。肉碎、花生、酸菜都幾大方。揀左少麻少辣，至在刺激下。薯粉彈牙煙韌，份量正常，我自己就好鐘意食。