Video
Read full review
2024-06-30
265 views
陪女女游完水周圍想搵麵食，維園行過嚟，其實好多間有台灣嘢有食羊肉嘅，阿女見到都話唔啱食，行行吓去到呢間，見佢哋舖頭乾淨整潔又有唔辣嘅麵就入去啦！我叫咗一碗酸辣粉配口水雞，另外就係鹽焗雞配一個清湯麵，佢哋話酸辣粉係招牌，但係我覺得啲薯粉麵好腍口感麻麻哋，個湯冇乜層次淨係感覺到佢落咗好多醋個味太濃（同傷心酸辣粉爭好遠）同埋佢哋嗰個口水雞有啲嚡，我個心即刻喺度諗佢呢啲面係咪預製架？淨係整熱佢整出嚟嗰啲呀？唔夠好食，真係唔好叫自己做招牌菜！感到失望嘅時候，就試吓阿女個碗鹽焗雞配清湯麵，覺得佢啲白麵好好食！好有嚼勁！同埋浸咗好耐都唔淋喎！而且啲鹽焗雞好嫩滑好好食！我冇影相，而且都唔係次次會寫食評，但係覺得就咁大家可以試吓，反正唔貴$5x-6x已經大大碗。我見隔籬枱啲男仔叫好似豬軟骨清湯麵，都話好好食。另外佢係不停有人買外賣，所以其實呢間應該都多熟客。我頭先望返之前嘅食評見到有客話睇鋪啲阿姨浮躁，我嘅感覺就係阿姨好着重外賣單，我明明同佢落緊單，佢一見有人入嚟買外賣都唔理我即刻理咗人哋先，好彩我唔係好趕時間，如果唔係真係會話佢，覺得好冇禮貌，阿姐都feel到即刻同我講等一等唔好意思🤣！不過唔知係咪外
我叫咗一碗酸辣粉配口水雞，另外就係鹽焗雞配一個清湯麵，佢哋話酸辣粉係招牌，但係我覺得啲薯粉麵好腍口感麻麻哋，個湯冇乜層次淨係感覺到佢落咗好多醋個味太濃（同傷心酸辣粉爭好遠）同埋佢哋嗰個口水雞有啲嚡，我個心即刻喺度諗佢呢啲面係咪預製架？淨係整熱佢整出嚟嗰啲呀？唔夠好食，真係唔好叫自己做招牌菜！
感到失望嘅時候，就試吓阿女個碗鹽焗雞配清湯麵，覺得佢啲白麵好好食！好有嚼勁！同埋浸咗好耐都唔淋喎！而且啲鹽焗雞好嫩滑好好食！我冇影相，而且都唔係次次會寫食評，但係覺得就咁大家可以試吓，反正唔貴$5x-6x已經大大碗。我見隔籬枱啲男仔叫好似豬軟骨清湯麵，都話好好食。另外佢係不停有人買外賣，所以其實呢間應該都多熟客。
我頭先望返之前嘅食評見到有客話睇鋪啲阿姨浮躁，我嘅感覺就係阿姨好着重外賣單，我明明同佢落緊單，佢一見有人入嚟買外賣都唔理我即刻理咗人哋先，好彩我唔係好趕時間，如果唔係真係會話佢，覺得好冇禮貌，阿姐都feel到即刻同我講等一等唔好意思🤣！
不過唔知係咪外賣平台，成日同佢哋計時，佢哋就好快手做晒外賣單先。
其實我都會再食🤣！我下次一定要自己嗌一碗清湯麵！
Post