翡翠拉麵小籠包 (Closed)

6月6日冇飯帶同同事嚟左呢度食lunch,我地四個人叫左兩個麵及一些小食一齊食,擔擔麵好味,維持水準,好香麻醬味及個湯底都做得好好,辣辣地好開胃,另外叫左一碗酸辣湯麵,第一次食,但唔知係咪因為個湯底太結,所以好怪,好似食緊撈麵咁,唔酸又唔辣,多料就多料,但係唔好味呀!!另外的小籠包,雞絲粉皮味道都好好,可以保持住水準,小籠包好薄的波,入面好多湯汁,正呀!! 雞絲粉皮感覺上冇以前咁多青瓜雞絲,但味道都好香麻醬味,正呀!!還有一個火腿津白,好咸呀,d火腿好咸呀,個汁太結,麻麻地呀!!呢度好多人等位食晏,我地好彩食得早,唔係都未必有位.