Video
Read full review
2012-11-13
885 views
為好友搞歡送會, 選址尖沙咀…選擇就多籮籮…但去邊度訂周六晚o既檯, 多間都好似”夾定口供”咁話…只可以食個半鐘就要交檯!!!...最怕食飯被趕o既感覺…尤其大圍人添…要食中餐, 想到好耐冇黎哩間老牌上海菜館…咁多年佢地都屹立不倒, 仲好似生意做吾切咁, 單係接聽電話訂座位服務員小姐, 都已忙到氣喘, 佢好人話可以俾我地食兩個鐘…都好吖!!7:30pm準時到, 裏頭坐滿晒但入口接待處已開始有人排隊等位…裝修過, 地方新淨光鮮左, 某D檯同檯間密度都高架…樓底矮人聲多, 嘈過街市架…所以相互帶動下, 講野都要扯高聲線…人聲加笑聲…氣氛倍加熱鬧架!!...員工做到冇停手, 但反應亦算快, 上菜速又準…要省時省刻, 都要速速點菜招呼大眾…想叫隻蔥燒雞之類…咁早話沽清居然??!!...主食有以下推介:松子黃魚…我地叫左半條…脆香肉嫰, 汁醬o既甜酸適度, 美味冇失手, 讚!醃篤鮮(加大$180)…我地九大兩細, 大叔話要加大份; 材料十足, 肉湯味濃帶鮮色澤靚, 喜歡!!...好大一鍋, 足夠15-16碗份啊~~腰果雞丁…家常小菜, 小辣, 雞丁嫰腰果脆, 哩D菜最好送白飯或下酒, 亦吾錯呀~
要食中餐, 想到好耐冇黎哩間老牌上海菜館…咁多年佢地都屹立不倒, 仲好似生意做吾切咁, 單係接聽電話訂座位服務員小姐, 都已忙到氣喘, 佢好人話可以俾我地食兩個鐘…都好吖!!
7:30pm準時到, 裏頭坐滿晒但入口接待處已開始有人排隊等位…裝修過, 地方新淨光鮮左, 某D檯同檯間密度都高架…樓底矮人聲多, 嘈過街市架…所以相互帶動下, 講野都要扯高聲線…人聲加笑聲…氣氛倍加熱鬧架!!...
員工做到冇停手, 但反應亦算快, 上菜速又準…要省時省刻, 都要速速點菜招呼大眾…
想叫隻蔥燒雞之類…咁早話沽清居然??!!...主食有以下推介:
松子黃魚…我地叫左半條…脆香肉嫰, 汁醬o既甜酸適度, 美味冇失手, 讚!
醃篤鮮(加大$180)…我地九大兩細, 大叔話要加大份; 材料十足, 肉湯味濃帶鮮色澤靚, 喜歡!!...好大一鍋, 足夠15-16碗份啊~~
腰果雞丁…家常小菜, 小辣, 雞丁嫰腰果脆, 哩D菜最好送白飯或下酒, 亦吾錯呀~
上海炒年糕…滾熱燙咀, 菜多肉少吾油膩, 年糕有嚼口, 又合我口胃, 亦可取!!
覺得較普通o既有…
鎮江肴肉…夠晶瑩賣相靚!...少許咸香, 個人認為吾點醋好味道D…
素鵝…係覺得佢好似比平常食的相較炸得”好厲害”…哈!!
雪菜炒口蘑…鍾意食蘑菇, 但佢同雪菜吾係好配咁o羅…
另加有炸春卷一客, 擔擔麵兩碗, 銀絲卷兩客, 白飯四碗…
全單連加一服務費共銀HK$1,179
p.s. 今晚燈光太暗, 亦太忙, 照片拍不足亦效果不太好耶!!
Post
