酒鍋 (天文臺道) (Closed)

做人兒女甚艱難，OT到天昏地暗差啲唔記得左媽子大人嘅牛一。所以係臨急嘅情況之下揾左呢間係公司附近嘅餐廳，幫媽子大人慶祝一番。入座時幾好彩，坐正吧枱對面。邊食可以邊欣賞調酒師的表演。火鍋點左個鴛鴦湯底，方便照顧大家嘅口味嘛。但個湯底都真係好足料，椰子同花甲都非常多，蜆肉都算大粒所以個湯底出黎好甜，略帶酒香。而沙嗲除左好香濃之外仲有少少麻辣，幾過癮。花雕雞件除左酒味濃郁之外，入口仲好滑嫩。蜂巢豆腐異常吸味。另外見餐牌有樣叫蛋餃嘅幾得意，點左一份。入面係用洋蔥，豬肉同蝦做餡，之後用蛋皮包住，個配搭又幾夾喎。七色手打丸，食落爽口彈牙。一開始想食下係邊七款味，但媽子一野倒晒落沙嗲湯度，咁就分唔出了。企鵝墨魚丸造型十分趣致，落鍋一刻有啲不捨。但真係好食，粒粒墨魚肉提高個口感，唔錯。火鍋必點牛肉。牛頸脊厚薄適中，大理石一樣嘅油花，相當迷人。落鍋輕灼數十秒，牛肉香又軟嫩。正。炸魚皮又係火鍋良伴，呢度嘅炸魚皮入口酥脆魚味又足。連埋炸蒜茸一齊食非常惹味。因為對個湯底念念不忘，所以再點多左份烏冬。撈埋啲沙嗲汁真係好味到多多都食得落。火鍋湯底黎講，呢度真係炮製得好出色，順喉得黎真係可以就咁飲。飲埋個清甜又解熱