Video
Read full review
2015-10-06
537 views
位於天后電氣道的「樓上舖」小店主打精緻法日Fusion菜，雖然沒有富麗堂皇的電梯大堂，亦沒有浮跨而不踏實既裝修，但這片簡單中卻帶點不平凡的小綠洲反而可以突出呢度最殺食既賣點 – 殺死人既維港靚景同埋精緻得黎卻十分平實的法日fusion美食！是日天公不造美，雨一直大點細點的整晚都冇停過，不過，意外收獲係可以喺矇矇矓矓既玻璃窗一窺維港喺雨中平日難得一見既另外一面！患有「選擇困難症」既我一如以往，因為費事怕麻煩所以直接order左兩個 5 course set dinner，分別係「烤西班牙雪花黑毛豬配蘋果黑醋汁」($468)同埋「烤美國安格斯300日肉眼 (200g)配紅酒汁」 ($488)。18個月黑毛豬風乾火腿伴哈密瓜︰Parma Ham入口感覺非常清新，食得出風乾味之餘卻唔會太鹹。哈密瓜十分新鮮清甜，放埋同Parma Ham一齊食絕對夾到痺。唯一要批評既係D瓜因為喺雪櫃拎出黎無耐，所以有D凍到打冷震咁，如果可以喺室溫先放一小陣再上碟就更perfect喇！鮮帶子刺身︰帶子感覺非常清新，除左本身既鮮味之餘重食到淡淡既海水味，肉質亦都非常爽口。配埋青綠色既薄荷汁之後，入口既感覺涼浸浸之餘更
是日天公不造美，雨一直大點細點的整晚都冇停過，不過，意外收獲係可以喺矇矇矓矓既玻璃窗一窺維港喺雨中平日難得一見既另外一面！
患有「選擇困難症」既我一如以往，因為費事怕麻煩所以直接order左兩個 5 course set dinner，分別係「烤西班牙雪花黑毛豬配蘋果黑醋汁」($468)同埋「烤美國安格斯300日肉眼 (200g)配紅酒汁」 ($488)。18個月黑毛豬風乾火腿伴哈密瓜︰Parma Ham入口感覺非常清新，食得出風乾味之餘卻唔會太鹹。哈密瓜十分新鮮清甜，放埋同Parma Ham一齊食絕對夾到痺。唯一要批評既係D瓜因為喺雪櫃拎出黎無耐，所以有D凍到打冷震咁，如果可以喺室溫先放一小陣再上碟就更perfect喇！
18個月黑毛豬風乾火腿伴哈密瓜
32 views
0 likes
0 comments
鮮帶子刺身
12 views
0 likes
0 comments
鮮蟹肉龍蝦忌廉湯+ 薑汁南瓜忌廉湯︰龍蝦湯味道相對較濃，十分適合好似我呢D鍾意海鮮味較重既朋友，裏面重有好幾條新鮮蟹肉添架，真係夠晒誠意。南瓜湯方面，薑汁配埋南瓜蓉呢個組合非常之夾，材料方面更加足到加零一，鍾意飲D質感較重既南瓜湯既朋友千祈唔好錯過呀！
鮮蟹肉龍蝦忌廉湯+ 薑汁南瓜忌廉湯
34 views
0 likes
0 comments
烤西班牙雪花黑毛豬配蘋果黑醋汁︰食左咁耐，終於到主菜出場喇！黑毛豬肉質非常爽滑，煎到剛剛洽到好處，唔太韌之餘又食到肉既鮮味，一D都唔似坊間好多時整豬扒搞到「鞋sap sap」、「乾掙掙」咁，值得一讚！特別鍾意佢既蘋果黑醋汁，酸中帶甜既口感非常適合中和返豬本身既油膩感。
烤西班牙雪花黑毛豬配蘋果黑醋汁
46 views
1 likes
0 comments
烤美國安格斯300日肉眼 (200g)配紅酒汁︰安格斯選材唔錯，肥同瘦既比例剛剛好，十分適合好似我呢D鍾意食「1/4肥、3/4瘦」既朋友仔！都係果句，越好既食材烹調方法就應該越簡單，所以呢度既安格斯都只係簡單煎熟，再配上芥辣同埋蒜蓉汁配碟而已，絕對無「畫蛇添足」，無果樣整果樣越幫越忙！
烤美國安格斯300日肉眼 (200g)配紅酒汁
24 views
0 likes
0 comments
白酒啫喱 + Pina Colada︰白酒啫喱既感覺好特別，同平時「一舊舊」既啫喱感覺好唔同，專登「打散晒」卻又唔會一pat野，因此入口時口既每一部份都可以接觸到白酒，果種淡淡既酒精感覺十分特別！Pina Colada方面，奶味感覺好重，非常適合鍾意食牛乳奶凍等等甜品既朋友仔，但好似我呢D只係麻麻地既朋友相對就只係一般而已。
白酒啫喱 + Pina Colada
20 views
0 likes
0 comments
Post
