Video
Read full review
2021-04-04
692 views
多謝大家睇我廢up，因為今post好多字。唔係第一次黎Aqua食飯，我鍾意呢到主要因為我好鍾意望住呢個景食飯，香港真係好靚。石燒和牛西冷伴炸蒜片配三色汁和牛の石焼きと3種のソース好好食！！入口即溶！！根本唔需要任何醬汁，就咁燒完已經好好味！😋香草橄欖油同包香濃意大利蕃茄醬配布袋芝士及脆薯絲芝士軟滑有奶香味，撈埋脆脆嘅薯絲再加埋蕃茄醬少少酸味好夾，呢個前菜好食😋帆立貝蝦膠卷配魚子醬露筍及紅椰菜醬魚子醬咸左少少，因為本身個帆立貝蝦膠卷已經好夠味好鮮甜，一齊食其實影響不大。其實佢整得好靚架，伴碟各樣成個感覺都好日式花園仔。(不過我影得衰，無影到d花花伴碟😆)龍蝦墨魚意大利燴飯食嘅時候第一句：都係意大利好食d～幾時先有得飛呀🥺🥺話說我其實係唔喜食飯呢樣野嘅，所以本身對risotto都無乜好感，但有年我生日，我寶貝帶過我去一間意大利餐廳食過之後就改觀(sor間野已執)再加上去過意大利，知道risotto係可以好好食嘅，之後就會係香港搵下，所以如果大家有好食嘅risotto餐廳就可以介紹下我啦😉唉好長氣，講返先，個飯ok嘅不過無乜特別，同埋話有墨魚但我好似只係食到3,4粒仔，反而最印象深刻係下一張
唔係第一次黎Aqua食飯，我鍾意呢到主要因為我好鍾意望住呢個景食飯，香港真係好靚。
石燒和牛西冷伴炸蒜片配三色汁
和牛の石焼きと3種のソース
好好食！！入口即溶！！根本唔需要任何醬汁，就咁燒完已經好好味！😋
香草橄欖油同包
香濃意大利蕃茄醬配布袋芝士及脆薯絲
芝士軟滑有奶香味，撈埋脆脆嘅薯絲再加埋蕃茄醬少少酸味好夾，呢個前菜好食😋
帆立貝蝦膠卷配魚子醬露筍及紅椰菜醬
魚子醬咸左少少，因為本身個帆立貝蝦膠卷已經好夠味好鮮甜，一齊食其實影響不大。其實佢整得好靚架，伴碟各樣成個感覺都好日式花園仔。
(不過我影得衰，無影到d花花伴碟😆)
龍蝦墨魚意大利燴飯
食嘅時候第一句：都係意大利好食d～幾時先有得飛呀🥺🥺
話說我其實係唔喜食飯呢樣野嘅，所以本身對risotto都無乜好感，但有年我生日，我寶貝帶過我去一間意大利餐廳食過之後就改觀(sor間野已執)再加上去過意大利，知道risotto係可以好好食嘅，之後就會係香港搵下，所以如果大家有好食嘅risotto餐廳就可以介紹下我啦😉
唉好長氣，講返先，個飯ok嘅不過無乜特別，同埋話有墨魚但我好似只係食到3,4粒仔，反而最印象深刻係下一張圖。
想比大家望下個一橫，畫龍點睛嘅墨汁，一上枱嘅時候我以為係隻碟咁，再睇真d，原來係畫上去嘅。
炭燒西京麵豉銀鱈魚
銀ダラ西京焼き
每次黎都會叫，因為好食！魚好滑，唔洗用力就用筷子分開到，不過今次覺得舊魚薄左😆
Aqua Platter
即係甜品拼盤，aqua platter就有5款，佢另外仲有9款同13款選擇。
唔...tiramisu好食，蕨餅都好食，其他就...一般囉😂(慶祝記念日仲可以寫字tim)
Post
