熱沙咖啡 (Moved) New Location

呢間土耳其餐廳/私房菜, 位置馬灣, 獲網民一致好評; 朋友生日, 佢都提議黎試, 果然無介紹錯, 終於比我感受到咩叫"醉翁之意不在酒"!餐廳叫熱沙咖啡, 開宗明義主打土耳其咖啡, 用沙既熱力去煮咖啡, 體驗一下異國風味。我對咖啡無大認識, 就由咖啡師代為安排吧！咖啡師會花時間同客人傾談, 分享"品啡"心得。可能每個人對飲咖啡都有自己既見解, 但身處呢間異國風情既小店, 對住樂於分享既咖啡師, 建議可以盡情討論, 開放自己既視野, 一定有所得著。係店舖飲飲食食, 開心渡過了3個多小時。食物, 咖啡質素固然重要, 但在此環境下, 可以放下自己, 無束地感受當下, 已經好滿足!