名館 (希慎廣場) (Closed)

如果行街行到攰、肚餓又唔知食乜嘢，呢間係一個好選擇！朋友之前嚟過，佢話今次少咗啲點心點心嚟得好快，冇漏單。只有蝦餃、燒賣和雞湯有encore。蝦餃皮唔算薄，勝在夠大隻，蝦肉爽；燒賣有隻鮑魚仔喺上面，有咬口；雞湯清甜夠熱。當日只得雞湯，冇其他湯作比較。炸物係預先炸好，攞出嚟係凍同索晒啲油，咬咗一啖就放棄。以宮庭妃子笑較好，外面粒粒仲有少少脆，裏面流心奶黃。唔知用乜嘢準則，黨參北芪浸雞腳一份得兩隻；麻辣無骨黑雞腳、港式混醬豬腸粉、泡椒魚皮絲就一大碟。唔係唔好食，只不過太多了，食唔晒！冷熱飲品大大杯，普普通通用嚟解渴雖然點心款式少，以咁嘅價錢，喺銅鑼灣區，地方舒服，服務好，實在抵食