Video
Read full review
2020-09-10
520 views
之前都試過一次呢度不過就唔係堂食而係外賣自取花膠雞煲火鍋，勁正，小編唸翻起都回味梗。今次去堂食試下佢地既車仔麵，本來都唔抱有期望，其實好味既車仔麵真係買少見少啦。小編選左個麻辣大辣湯底，真係非常LIKE麻辣野但好多時候出麵食既所謂麻辣湯底都只係HE A兩羹老X媽比你，再衰D可能兩滴辣椒油就當系，但呢度既麻辣湯底堅系麻辣黎既，夠麻都算夠辣啦。揀左4餸包括有陳皮魚蛋，溏心蛋，蝦卷同埋花膠，雖然個車仔麵本身已經有一塊花膠但因為小編實在非常喜歡食花膠所以要追加多一次，哈哈。碗麵黎到好似好辣甘，一片紅海，食落覺得麻辣味好夠，辣就唔算叫好辣（利申:小編係好食得辣之人！）兩大塊花膠大過我塊面呀，真係好抵食（加多10元）。仲有佢地既蝦卷真係超級好味道！ ！ ！ ！ ！ ！暫時食過全香港最有誠意蝦卷，有一粒粒馬蹄食到架！溏心蛋就一般啦，略嫌佢熟左少少。陳皮魚蛋正常水準，小編好喜歡食陳皮魚蛋，細細粒甘，好少地方有得食LU！總體而言，呢間系小編第二最愛車仔麵之選。坐得都既舒服，服務正常，效率唔錯！前後唔洗20分鐘都完成餐飯LU！見出面都有人等梗可能係中午時段啦，都係快快手費事阻人做生意啦！小編下次會再訪呢間
小編下次會再訪呢間試埋個堂食雞煲先，不過我就唔太LIKE任食，寧願食佢地既麻辣花膠雞煲配小菜，都係3XX兩位用，晚餐呢個價錢確實好實惠，好過自己O系屋企整餐死啦！吖，唔記得講呢度另外好出名既就係沙爹牛面，下次小編都一定要試下佢地既沙爹牛撈一丁再配塊花膠，唸起都流口水啦！
4餸花膠車仔麵（66元）
$88
6 views
0 likes
0 comments
Other Info. :
外賣自取家陣做梗八折，如果大家超過4人家庭或朋友聚會，就外賣自取啦。
(The above review is the personal opinion of a user which does not represent OpenRice's point of view.)
Post
