Seoul Bros (灣仔道)

Open Now

Now Closed

轉咗喺灣仔返工大半年，呢度已經成為我放飯最鍾意嘅餐廳之一。之前有幾次係食飯+炸雞個餐。炸雞一口一粒，外脆內滑同甜酸汁好夾，份量啱啱好，食完都唔會好有罪疚感。豆腐飯同吞拿魚飯都食過，兩個都好味，豆腐似係炸過嘅玉子豆腐，好香好滑，吞拿魚就估唔到係咁夾，最正係飯入面嘅炒滑蛋同醬汁，好惹味，會越食越想食。三文治就食過豆腐果款，都好好味架。要套餐嘅話仲有芝士薯條同粟米沙律。但上次個薯條有啲淋，而粟米本身比較爽身，唔係我鍾意多汁嗰種。今日本身想買飯，但見到今個月嘅菜單有沙律，材料好似好豐富，所以買咗試試。$63好大盒！有吞拿魚（可揀其他）、西蘭花、牛油果、粟米、車厘茄、蘋果、麵包粒、大量生菜等等，汁應該係蜜糖黑椒，好味又飽肚，下次想食清淡啲都會再買。